Biraz oılana-tolǵana kele Maık Taıson joǵarydaǵy usynystan bas tartty. Árıne, ony da túsinýge bolady. О́tken ǵasyrdyń sekseninshi jáne toqsanynshy jyldardyń bel ortasyna deıin qarsy kelgenderdiń barlyǵyn uryp jyǵyp, tórtkúl dúnıeni dúriktirgen AQSh-tyń ataǵy jer jarǵan kásipqoı boksshysynyń baby burynǵydaı emes. Jasy da 54-ke kelip qaldy. Onyń ústine ómirdiń ashy-tushysynda biraz kórdi. Bul jaǵdaıdyń barlyǵy densaýlyqqa áser etpeı qoımaıtyny anyq.
Brazılııanyń Kýrıtıba qalasynyń týmasy Vanderleı Sılva jaıynda aıtar bolsaq, ol 44 jasta, Sporttyq karerasyn mýaı-taıdan bastaǵan. Odan keıin erejesiz jekpe-jekpen shuǵyldanyp, kóptegen beldi nusqalar boıynsha chempıondyq ataqqa qol jetkizdi. Praıd pen UFC promoýshenderinde ózin túebegeıli moıyndatty. Ár jyldary Den Henderson, Kadzýsı Sýkýbara, Hıdehıko Esıda, Maıkl Bıspıng, Kýng Le jáne taǵy basqa myqtylardy utty. Barlyǵy 50 kezdesý ótkizgen Sılva 35 ret jeńiske jetti. Brazııalııanyń betkeustary sońǵy ret osydan úsh jyl buryn oktagonǵa shyǵyp, amerıkalyq Cheıl Sonnennen upaı sanymen utylǵan bolatyn
