Birqatar kásipkerlik obektisi jabylyp, bazarlardyń jumys ýaqyty qysqarady.
"Aqtóbe oblysy boıynsha shekteý sharasy bar, ony kúsheıtýge qaýly qabyldandy. Sebebi qarapaıym shekteý sharasy saqtalmaı, indet juqtyrǵandar kóbeıdi. Búginnen bastap ınternet, kompıýter klýbtary, saıabaq, skverde, oıyn-saýyq oryndaryndaǵy balalardyń oıyn alańy jumysyn toqtatty. Biz 15 maýsymnan bastap saýyqtyrý lagerine jumys isteýge ruqsat berip edik, biraq bári keıinge shegerildi. Túngi klýbtar men karaoke jabyldy. Buqaralyq sharalarǵa, eske alý keshterine tyıym salyndy. Qonaq shaqyrýǵa bolmaıdy. Kórme, forým, konferensııa ótkizilmeıdi. Saıabaqtaǵy tamaqtaný dúńgirshekteri jabyldy", dedi oblystyq taýarlar men kórsetiletin qyzmetter sapasy men qaýipsizdigin baqylaý departamentiniń basshysy Nursulý Berkimbaeva.
Sonymen birge qoǵamdyq kólik 6:00-den 21:00-ge deıin júredi. Tek jumysqa baryp-kelýge, azyq-túlik satyp alýǵa ǵana syrtqa shyǵýǵa bolady. Sebepsiz kóshede júrý de toqtaýy tıis.
"Túrli taýar satatyn, mal, kıim-keshek, avtokólik, qurylys bazarlary dúısendi-beısenbi aralyǵynda 09:00-den 15:00-ge deıin, al juma-jeksendi kúnderi 10:00-den 16:00-ge deıin bolady. Azyq-túlik dúkeni, sýpermarketter 10:00-den 20:00-ge deıin jumys isteıdi. Sońǵy derekter boıynsha adamdar bazarǵa barǵan, balalarmen oıyn alańdaryndy qydyryp, qonaq shaqyrǵan. Bul durys emes", dedi Nursulý Berkimbaeva.
