Elorda ákimi Altaı Kólginov turǵyn úıler ornalasqan birqatar kóshelerdegi jol jumystarynyń barysymen tanysty. "О́ndiris" turǵyn úı alabynyń turǵyndarynyń aıtýynsha, Aqbıdaı kóshesinde buryn asfalt bolmaǵan. "Bizdiń kóshelerge alǵash ret asfalt tóseldi, endi balshyq, laı bolmaıdy dep senemiz. Kóktemde úıimizdi birinshi ret sý baspady, sebebi aýdandy qardan ýaqytyly tazalady", - dedi "О́ndiris" alabynyń turǵyny Natalıa Felde.
Turǵyn úı alabynyń turǵyndary kóptegen máselelerdi kóterdi. Máselen, balalarǵa arnalǵan alańdar, káriz júıesin júrgizý, sýdyń aǵynyn arttyrý jáne t.b. máselelerdi atap ótti. Bıyl elordada 150 aýla abattandyrylady, sonymen qatar turǵyn úı alaptarynda úsh sport kesheniniń qurylysy bastalady. Áleýmettik turǵyn úıler men Tilendıev dańǵylyndaǵy jylý magıstrali qurylystary júrgizilýde. Bul aýdanda ornalasqan barlyq úıler men ǵımarattardy ortalyqtandyrylǵan jylýmen qamtamasyz etýge múmkindik beredi, sondaı-aq jeke sektorǵa gazdandyrý jumystary júrgizilýde. Turǵyndar qozǵaǵan máseleler baqylaýǵa alyndy.
Búginde 26 kóshede: Abaı dańǵyly, Jeńis dańǵyly, Shuǵyla kóshesi, Buharbaı batyr kóshesi, Asan Qaıǵy kóshesi, Nurjol býlvary, Moskovskaıa kóshesi, "Tulpar" kópirindegi burylys joly, Taha Hýseın kóshesi, S. Toraıǵyrov kóshesi, Turan dańǵyly, M. Maqataev kóshesi, Kenesary kóshesi, Nurlyjol kóshesi, Dostyq kóshesi, Bógenbaı batyr dańǵyly, О́ndiris kóshesinde jóndeý jumystary aıaqtaldy. Onyń ishinde birqatar turǵyn alaptarynda jóndeý jumystary aıaqtaldy. Olar: Aqpan, Jolymbet, Belasar, Balýan Sholaq, Qyryqqyz, Marqakól, Qarasaz, Nurly, Aqbergen kósheleri. Qazirgi ýaqytta 30-dan astam kóshede, onyń 21-i turǵyn úı alaptarynda, jóndeý jalǵasýda: Orhon kóshesi, Shyraıly qıylysy, Qapal kóshesi, M. Tólebaev kóshesi, A. Baıtursynov kóshesi, Maralsaı qıylysy, Jeldirme qıylysy, Qoǵaly qıylysy, Qamajaı kóshesi, Taısoıǵan kóshesi, Aqbıdaı kóshesi, Keńshalǵyn kóshesi, О́ndiris kóshesi, Aqshaǵyl kóshesi, Basyqara batyr kóshesi, Sonar kóshesi, Syrǵaly kóshesi, Aqqaıyń kóshesi (Kóktal-1 JM). Sondaı-aq, Konstıtýsııa, Ál-Farabı (Ýgolnaıa), D. Qonaev, Q. Sátpaev, A. Baıtursynov, Y.Dúkenuly, Fahd ben Abdýl Azız, Ýgolnaıa kóshesiniń jalǵasy (temirjol TA), Túrkistan, Aqmeshit kósheleri. "Jumyspen qamtýdyń jol kartasy" baǵdarlamasy boıynsha bıyl 15 myń jumys orny ashylyp, jol jumystary boıynsha 1,5 myń bos oryn bólinedi. Birinshi kezekte azamattar jumyspen qamtý ortalyqtary arqyly jumysqa ornalastyrylady.
