Bir topta 15 baladan artyq bolmaý qajet. Balabaqshalar balany úıde qaldyrýǵa múmkindigi joq, jumys isteıtin ata-analar úshin jumys isteıdi. Mektepke deıingi uıymǵa kelmegen jaǵdaıda balanyń orny saqtalady. Balalardy qabyldaý ýchaskelik pedıatrdan balanyń densaýlyq jaǵdaıy týraly anyqtama bolǵanda ǵana júzege asady. Balany balabaqshaǵa qabyldaý kezinde tárbıeshi medısınalyq qyzmetkerdiń baqylaýymen, ata-ananyń qatysýymen mindetti túrde termometrııa arqyly balanyń temperatýrasyn ólsheıdi.
Koronavırýstyń taralý qaýpi áli de bar. Sanıtarlyq normalardy saqtaý qajet: maska kıip, qoldy antıseptıkpen óńdep, qashyqtyqty saqtaǵan jón. Qalalyq qoǵamdyq densaýlyq saqtaý bóliminiń basshysy Sáýle Kısıkova atap ótkendeı, sanıtarlyq normalardy saqtamaý qala aýrýhanalarynyń tolyp ketýine ákelýi múmkin.
"Qaýipti ınfeksııaǵa tipti deni saý jastar da shaldyqty. Saq bolý kerek. Bir adamnyń salǵyrttyǵy basqa turǵyndardyń densaýlyǵyna áser etýi múmkin. Koronavırýs sanaýly kúnder ishinde adamnyń densaýlyǵyn kúrt nasharlatady, ózin - ózi emdeýmen aınalyspaý qajet", dedi Sáýle Kısıkova.
