Investısııa ıgilikke bastaıdy

Aqtóbe qalasynda «AKTOBE­IN­VEST-2013» birinshi ha­lyqaralyq ınves­tı­sııalyq forýmy ótti. Forýmdy Indýstrııa jáne jańa tehnologııalar mı­nıstrliginiń jáne О́ńirlik damý mınıstrliginiń qoldaýymen oblys ákimdigi uıymdastyrdy. Fo­rýmnyń maq­saty oblysqa ın­vestorlardy tartý úshin óńirdiń áleýetti ınvestısııalyq múm­kindikterin kórsetetin keń kólemdi aq­parattandyrý bolyp tabylady. Baǵdarlama sheń­berinde «Eýropa-Azııa. Shekarasyz yn­tymaqtastyq» atty XII halyqaralyq óner­kásiptik kórme, forýmnyń plenarlyq otyrysy, Aqtóbe oblysynyń ınvestısııalyq áleýetiniń tusaýkeseri uıymdastyryldy.

Aqtóbe qalasynda «AKTOBE­IN­VEST-2013» birinshi ha­lyqaralyq ınves­tı­sııalyq forýmy ótti. Forýmdy Indýstrııa jáne jańa tehnologııalar mı­nıstrliginiń jáne О́ńirlik damý mınıstrliginiń qoldaýymen oblys ákimdigi uıymdastyrdy. Fo­rýmnyń maq­saty oblysqa ın­vestorlardy tartý úshin óńirdiń áleýetti ınvestısııalyq múm­kindikterin kórsetetin keń kólemdi aq­parattandyrý bolyp tabylady. Baǵdarlama sheń­berinde «Eýropa-Azııa. Shekarasyz yn­tymaqtastyq» atty XII halyqaralyq óner­kásiptik kórme, forýmnyń plenarlyq otyrysy, Aqtóbe oblysynyń ınvestısııalyq áleýetiniń tusaýkeseri uıymdastyryldy. Forýmnyń jumysyna Premer-Mınıstrdiń orynbasary – Indýstrııa jáne jańa tehnologııalar mınıstri Áset Isekeshev, «Qazaqstan temir joly» UK» AQ prezıdenti Asqar Mamın, ortalyq jáne jergilikti atqarýshy organdardyń ókilderi, «Samuryq Qazyna» AQ, «Báıterek» UBH» AQ, «QIF», «QDB» AQ, «KAZNEX INVEST» AQ, álemniń iri kompanııalary – áleýetti ınvestorlar, halyqaralyq bank ókilderi men Reseı Federasııasy aımaqtarynyń basshylary jáne de Aqtóbe óńiriniń ónerkásip jáne ınvestısııalyq kompanııalary, sonymen qatar, Polsha delegasııa­sy qatysty.

Osy forýmda Aqtóbe oblysynyń ınvestısııalyq áleýetiniń kórmesi uıymdastyrylyp, onda aımaqtyń 30-dan astam ınvestısııalyq jobalary usynyldy. Investısııalyq jobalarmen tanysqannan keıin forým jumysy bastaldy. Forýmdy kirispe sóz sóılep ashqan oblys ákimi Arhımed Muhambetov Elbasy Nursultan Nazarbaevtyń el ekonomıkasyn damytýdyń tegeýrindi tetigi ınvestısııa tartý ekenin udaıy nazarda ustap kele jatqanyna toqtala kelip, bul sharanyń alys-jaqyn sheteldermen ekonomıkalyq baılanysty nyǵaıtýdyń, ınvestısııa tartýdyń únqatysý alańy bolyp otyrǵanyn jetkizdi.

Ekonomıkalyq jıynǵa jınalǵandar aldynda Premer-Mınıstrdiń orynbasary – Indýstrııa jáne jańa tehnologııalar mınıstri Áset Isekeshev sóz sóılep, mundaı sharalardyń birneshe aımaqtarda ótkizilgenin baıandady. Investorlardy tartý arqyly ekonomıkalyq damýǵa serpin beriletinin, jańa jumys oryndary ashylatynyn, ózara tıimdi baılanys ornatylatynyn, sondyqtan alys-jaqyn shetelderden ınvestısııa tartýmen birge, ózimizdiń kompanııalardyń da óz ónimderiniń keminde 10-20 paıyzyn eksportqa shyǵarýǵa beıimdelýi qajettigin eske sala ketti.Táýelsizdik jyldary 160 mıllıard AQSh dollary kóleminde ınvestısııa tartylsa, sońǵy tórt jylda ǵana bul kórsetkishtiń 80 mıllıard AQSh dollaryn quraǵanyn mysalǵa keltirdi. Elimizde AQSh-tyń, Japonııanyń, Germanııanyń, Qytaıdyń, Reseıdiń jáne basqa elderdiń iri kompanııalary jumys istep jatqanyna toqtaldy. Kásipkerlikti damytýda «Bıznestiń jol kartasy-2020» memlekettik baǵdarlamasynyń tıimdi bolyp otyrǵanyn, tehnologııa satyp alýǵa granttar bólinetinin, uzaq merzimdi tapsyrystar boıynsha jumystar júrgizilip jatqanyn, kedendik tólemderdegi jeńildikterdi jaǵymdy jańalyq retinde baǵalady. Odan keıin sóz alǵan «Qazaqstan temir joly» UK» AQ prezıdenti Asqar Mamın kompanııa júzege asyryp jatqan ınvestısııalyq jobalarǵa toqtaldy, Orynbor oblysynyń gýbernatory Iýrıı Berg pen Polsha Respýblıkasynyń Qazaqstandaǵy Tótenshe jáne ókiletti elshisi Iаsek Klıýchkovskıı ekonomıkalyq ıntegrasııalyq baılanystardy nyǵaıtýdyń múmkindikteri mol ekendigin naqtylaı tústi. Oblys ákiminiń birinshi orynbasary Nurmuhambet Ábdibekov Aqtóbe óńiriniń ınvestısııa tartýda tabysqa jetetindeı tabıǵı áleýetine toqtaldy. Oblysta júzege asyrylyp jatqan ınvestısııalyq jobalardy tarata áńgimelep, bolashaq ınvestorlar qyzyǵatyndaı derekter keltirdi.

Sondaı-aq, Áset Isekeshev «Qazhrom»TUK» AQ fılıaly – Aqtóbe ferroqorytpa zaýy­tynyń aýmaǵynda jańadan salynyp jatqan zamanaýı zaýyt qurylysy barysymen tanys­ty. Kompanııa prezıdenti Vıktor Tıldiń málimdeýinshe, bul kásiporynnyń eki peshi jyl aıaǵyna deıin paıdalanýǵa berilip, aldaǵy jyly tolyq qýatyna shyǵatyn bolady.

Forým aıasynda jalpy somasy 2,0 mlrd. AQSh dollarynan astam qarjy bolatyn buryn kelisilgen kelisimsharttar bekitildi. Sondaı-aq, jalpy somasy 1,0 mlrd. AQSh dollary bolatyn 60-tan astam ónimderdi tıimdi jetkizý týraly aldyn ala kelisimsharttar jasaldy.

Satybaldy SÁÝIRBAI,

«Egemen Qazaqstan».

Aqtóbe oblysy.