Elbasy Nursultan Nazarbaevtyń Qazaqstan halqyna arnaǵan «Qazaqstan-2050» Strategııasy – qalyptasqan memlekettiń jańa saıası baǵyty» atty Joldaýy básekege qabilettilikte alǵa úlken maqsat qoıyp, memlekettiń barlyq qurylymdaryna úlken jaýapkershilik júktegeni belgili. Osyǵan sáıkes, tıisti mekemeler strategııalyq is-sharalar josparyn bekitip, shuǵyl jumysqa kiristi. Onyń ishinde, elimizdegi saıası eń iri uıym – «Nur Otan» halyqtyq-demokratııalyq partııasy da bar. Qazir qoǵam bolyp partııanyń «Nur Otan». Nurly bolashaq jolynda» atty Saıası doktrınasyn talqylap jatyr. Bul partııanyń ǵana emes, aldaǵy merzimde birtutas Qazaqstannyń saıası aınasy men baǵyt-baǵdary bolmaq.
Elbasy Nursultan Nazarbaevtyń Qazaqstan halqyna arnaǵan «Qazaqstan-2050» Strategııasy – qalyptasqan memlekettiń jańa saıası baǵyty» atty Joldaýy básekege qabilettilikte alǵa úlken maqsat qoıyp, memlekettiń barlyq qurylymdaryna úlken jaýapkershilik júktegeni belgili. Osyǵan sáıkes, tıisti mekemeler strategııalyq is-sharalar josparyn bekitip, shuǵyl jumysqa kiristi. Onyń ishinde, elimizdegi saıası eń iri uıym – «Nur Otan» halyqtyq-demokratııalyq partııasy da bar. Qazir qoǵam bolyp partııanyń «Nur Otan». Nurly bolashaq jolynda» atty Saıası doktrınasyn talqylap jatyr. Bul partııanyń ǵana emes, aldaǵy merzimde birtutas Qazaqstannyń saıası aınasy men baǵyt-baǵdary bolmaq.
Qazaqstan táýelsizdik alǵan qıyn jyldary memlekettiń aldyna úlken senim uıalatatyn iri maqsat kerek boldy. Sol qajettilikke oraı Qazaqstan Respýblıkasynyń Tuńǵysh Prezıdenti Nursultan Ábishuly Nazarbaevtyń tikeleı basshylyǵymen «Qazaqstan-2030» Strategııasy qabyldanyp, oǵan ǵalamat kúsh-jiger jumsaldy. Nátıjesinde, az ǵana ýaqyttyń ishinde elimiz TMD jáne Ortalyq Azııa elderi arasynda kósh bastap, maqsat merziminen buryn oryndaldy. Jaqynda ǵana Qazaqstan resmı túrde básekege qabiletti álemniń damyǵan 50 eliniń qataryna endi. Bul kóptegen alpaýyt memleketterdiń 100-150 jylda jetken jetistigin bas-aıaǵy 10-15 jyldyń ishinde baǵyndyrǵan elimizdiń shynaıy myqtylyǵyn dáleldese, onyń astarynda qyrýar eńbek pen adam aıtqysyz ilkimdi izdenister jáne Elbasynyń salıqaly da kemeńger saıasaty men kóregen kóshbasshylyǵy jatqandyǵyn eshkim joqqa shyǵara almaıdy.
Tarıhqa altyn áriptermen jazylatyn osy bir ǵalamat qundylyqtar Qazaqstan úshin odan da bıik belesterdi baǵyndyrýǵa qulash sermetip otyr. Endi memleket álemniń básekege qabiletti damyǵan 30 eliniń qatarynan oryn alýǵa basymdyq aldy. Osyǵan baılanysty Prezıdent Nursultan Nazarbaev «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýyn jarııalap, aldaǵy alynar mejeni naqtylady. Oǵan qatysty atqarylar mindet pen baǵyt-baǵdardy da ózi aıqyndap kórsetti.
«HHI ǵasyr – beıbitshilik pen turaqtylyqtyń gúldengen ǵasyry bolady. Qazaqstan halqy – uly tarıhtyń ıesi atanýǵa laıyq. Biz kózdegen maqsattarymyzǵa mindetti túrde jetemiz. Ańsarly azattyǵymyz ben táý eter táýelsizdigimiz baıandy bolsyn, aǵaıyn. Máńgilik El bolý jolyndaǵy uly isterimiz, jańa dáýirlerge jol ashsyn», degen Elbasy Joldaý arqyly «Men barsha halqymdy jarqyn bolashaqqa jol bastaıtyn, adamzattyń máńgilik qundylyqtary erik-jiger men eńbeksúıgishtik, maqsatkerlik qasıetterin sińirýge shaqyramyn. Men HHI ǵasyr Qazaqstannyń altyn ǵasyry bolatynyna kámil senemin», dep el senimin úkileı tústi.
Bul óz kezeginde eldiń erteńine beıjaı qaraı almaıtyn barlyq memlekettik jáne memlekettik emes qurylymdarǵa óz jumystaryn qaıta qaraýǵa múmkindik berdi. Sonyń arqasynda qoǵamda bolashaqqa degen úlken senim men yntyzarlyq, eńbekke degen ınnovasııalyq oılaý men jańǵyrǵan ıdeıalar jıyntyǵy paıda bolyp, iri jańarý psıhologııasy serpilisti jumys isteýge kóshkenin aıta ketý kerek. Máselen, dál qazirgi ýaqytta elimizdegi eń iri saıası «Nur Otan» halyqtyq-demokratııalyq partııasy daıyndaǵan «Nur Otan». Nurly bolashaq jolynda» atty jańa Saıası doktrına da qoǵam ishinde qyzý talqylanyp jatyr. El damýy men memleket ıgiligi úshin qabyldanǵan uzaq merzimdi «Qazaqstan-2050» Strategııasynda júktelgen mindetterdi oryndaýdaǵy óz maqsatyn aıqyndap alýǵa nıettengen partııanyń jańa Doktrınasy elimizdiń jańa saıası baǵytyndaǵy negizgi bet-beınesi bolmaq. О́ıtkeni, halqymyz úshin asa mańyzdy bolyp tabylatyn basymdyqtardyń barlyǵy derlik oryn tapqan Doktrına – Qazaqstandy Máńgilik El etý jolyndaǵy Elbasynyń jańa ǵasyrlyq jáne jańa dáýirlik bastamasyna úlken serpin berýdi maqsat etken «Nur Otan» partııasynyń jańasha oılaýdaǵy bıik ustanymy.
Elbasy árbir sózinde sapaly berilgen bilim bolashaqqa salynǵan ınvestısııa ekenin árqashan aıtyp keledi. Osy oraıda, Doktrına sapaly bilim berý isine asa zor mán bere qaraıdy. Máselen, «Bizdiń qundylyqtarymyz» týraly aıtylǵan ekinshi basymdyqta «Bizdiń basty qundylyǵymyz – Adam, onyń qadir-qasıeti» deı kele, «Ár azamat týǵannan bastap áleýmettik jáne basqa da qyzmetter keshenine kepildi ári teń turǵyda erkin qol jetkize alýy tıis. Bul ár azamattyń salamattyǵyna, sapaly bilim alýyna, jumysqa ornalasýyna, laıyqty jalaqy alýyna, jeke baspanasynyń bolýyna, otbasyn qurýǵa, óz balalarynyń bolashaǵyn qamtamasyz etýine múmkindik beredi», delingen. Bul tujyrym Doktrınanyń Ata Zańmen astasyp jatqanyn aıǵaqtaıdy. О́ıtkeni, Konstıtýsııa azamattardyń tolyqtaı bilim alýyna kepildik etedi. Sonymen qatar, tabysty damýǵa qajetti 7 faktordy sanamalaǵan jańa saıası qujat «Ádil áleýmettik saıasat» tarmaǵynda «Bilim berý júıesi bilimniń joǵary deńgeıine qol jetkizýge jáne ony naryqtyq ekonomıka jaǵdaıynda qoldanýǵa qabilet berýge tıis. Mundaı bilim azamattardyń muqtajdyqtaryna jáne udaıy oqýǵa degen umtylystaryna sáıkes kelýi kerek», degen túıin jasaıdy.
Bilimdi urpaq – memlekettiń bolashaq ıesi ári ıntellektýaldy ulttyń negizi. Osyǵan qatysty «Zııatker ult» bóliminde «Qazirgi zamanǵy qoǵamdaǵy básekelestiktiń basty belgisi – biregeı bilim men tehnologııa. Sondyqtan, Qazaqstannyń bolashaǵy – zııatker ult jáne ınnovasııalyq ekonomıka. Ol úshin biz basqarý, gýmanıtarlyq jáne bilim berý ınnovasııalaryn damytýdy qajet dep sanaımyz. Bul bilim qoǵamyn, jańa ekonomıkanyń arqaýy bolyp tabylatyn zııatker tapty qalyptastyrýǵa yqpal etedi. Biz, sondaı-aq, ǵylym men bilimniń damýyna, jas azamattardyń ınnovasııalyq jáne shyǵarmashylyq áleýetin iske asyrýyna, jańa múmkindikter jasaýǵa aıtarlyqtaı yqpal etetin bolamyz. Munyń bári bizdiń árqaısymyzdyń progreske jáne jasampaz shyǵarmashylyqqa umtylýmen qatar, qýatty ınnovasııalyq serpiliske jáne ekonomıkalyq órkendeýimizge septigin tıgizedi», dep alǵa úlken mindet qoıady.
Elbasy, partııa kóshbasshysy Nursultan Nazarbaevtyń tapsyrmasymen qabyldanǵaly otyrǵan Doktrına partııanyń halyq aldyndaǵy tarıhı jaýapkershiligin kúsheıtetini sózsiz. Sondyqtan, bul jańa saıası qujat – buqaralyq birlikti arttyrýdaǵy «Nur Otannyń» nurly joly bolmaq. Oǵan endigi kezekte barlyǵymyzdyń jumyla kirisýimiz ǵana qajet.
Dınar NО́KETAEVA,
Qazaq memlekettik qyzdar pedagogıkalyq
ýnıversıtetiniń rektory.
