Eńbek jáne halyqty áleýmettik qorǵaý mınıstri Tamara Dúısenova Almaty oblysyna kelgen jumys saparynda óńir jastarymen jáne óndiris oryndary jumysshylarymen kezdesip, «Jumyspen qamtýdyń jol kartasy-2020» memlekettik baǵdarlamasynyń oryndalý barysymen tanysty.
Eńbek jáne halyqty áleýmettik qorǵaý mınıstri Tamara Dúısenova Almaty oblysyna kelgen jumys saparynda óńir jastarymen jáne óndiris oryndary jumysshylarymen kezdesip, «Jumyspen qamtýdyń jol kartasy-2020» memlekettik baǵdarlamasynyń oryndalý barysymen tanysty.
Mınıstrdiń jumys saparyna oraı Taldyqorǵan qalasyndaǵy Til saraıynda óńirdegi jumyssyz júrgen jastarǵa, úkimettik emes uıymdar belsendilerine, kolledjder oqýshylaryna atalǵan mınıstrliktiń arnaıy daıyndaǵan áleýmettik eńbek salalarynyń elektrondy qyzmetteri men «Qazaqstandaǵy jumys» portaly onlaın tártibinde tanystyryldy.
«Jumyspen qamtýdyń jol kartasy-2020» memlekettik baǵdarlamasy men Almaty oblysyn damytýdyń 2011-2015 jyldarǵa arnalǵan baǵdarlamasy aıasynda aǵymdaǵy jyldyń 8 aıynda oblysta 11805 jańa jumys orny ashylyp, jumyssyzdyq deńgeıi 0,3 paıyzǵa tómendedi. Tutastaı alǵanda, memlekettik baǵdarlamany júzege asyrýǵa 11 mlrd. teńgege jýyq qarjy qarastyrylyp, óz maqsatynda ıgerilýine apta saıyn monıtorıng júrgizilip otyrady. Oblys halqynyń 70 paıyzy aýyldarda turatyndyqtan, bólingen qarajattyń 8,4 mlrd. teńgesi eldi mekenderdi damytýǵa jumsalýda, dedi Almaty oblysy ákiminiń mindetin atqarýshy Amandyq Batalov.
Jetisý óńirinde memlekettik baǵdarlamanyń ekinshi baǵyty – shaǵyn nesıeleý jumysy da qarqyndy júrgizilýde. Memleketten jeńildikpen berilip otyrǵan nesıeni der kezinde alǵan aýyl turǵyndary utqyrlyqpen sharýasyn retke keltirip, kásipkerlik kórigin qyzdyryp otyr. Mınıstrge búginde eńbek etkisi, jeke kásibin ashqysy kelgen janǵa memleket tarapynan jasalyp otyrǵan qoldaýdyń jaqsy ekendigin jarysa jetkizgen jandar aldaǵy ýaqytta óz kásipkerligin keńeıtýge jasaǵan josparlaryn da jasyrmady.
Tamara Dúısenova jumys saparynyń birinshi kúni jastarmen júzdesken soń Tekelidegi irgeli kásiporyn «Qazmyrysh-JEK» JShS-niń jumysyn kórip, qalany jylýmen, ystyq sýmen qamtamasyz etip otyrǵan keshendegi tirlikke kóńili tolǵanyn ańǵartty. Osy óndiris ornynda Taldyqorǵan aımaǵyndaǵy iri óndiris oryndary – «Qazmyrysh-JEK», «TATEK», «Qaınar-AKB», «Metakon TK», Infroenergo» JShS basshylarymen, jumysshylarymen júzdesip, Memleket basshysynyń mindetti kásibı zeınetaqy jarnalary jónindegi tapsyrmasyn jan-jaqty túsindirdi.
Eńbek jáne halyqty áleýmettik qorǵaý mınıstri Almaty oblystyq ákimdiginde úshjaqty komıssııanyń múshelerimen kezdesip, «Kásipodaqtar týraly» zań jobasy jaıly aıtyp berdi. Oblys ortalyǵynyń irgesindegi Kóksý aýdanynyń turǵyndarymen kezdesip, «Jumyspen qamtýdyń jol kartasy- 2020» baǵdarlamasyna sáıkes atqarylyp jatqan jumystardy óz kózimen kórdi. «Nur Otan» HDP Almaty oblystyq fılıalynyń ǵımaratynda azamattardy jeke máseleleri boıynsha qabyldap, olardy tolǵandyratyn problemalardyń jergilikti deńgeıde sheshýge bolatyndaryn retteý jóninde tıisti tulǵalarǵa tapsyrmalar berdi. Taldyqorǵandaǵy «Jastar» sport saraıynda aýyldyq okrýg ákimderi, jumyspen qamtý jáne áleýmettik baǵdarlamalar bólimderi basshylarymen «Jumyspen qamtýdyń jol kartasy-2020» memlekettik baǵdarlamasynyń jańa múmkindikteri» taqyrybynda ótken semınarǵa qatysyp, aýyl ómiriniń keıbir túıtkilderimen etene tanysty.
Nurbol ÁLDIBAEV,
«Egemen Qazaqstan».
Almaty oblysy.
