Ekonomıkanyń barlyq derlik segmentinde oń qarqyn baıqalady – ótken jyldyń tıisti kezeńimen salystyrǵanda aýyl sharýashylyǵy jáne mal sharýashylyǵy 2,9%-ǵa, negizgi kapıtalǵa salynǵan ınvestısııalar 2,6%-ǵa, qurylys kólemi 8,7%-ǵa ósti.
Bıyl Jambyl oblysynda 550 myńǵa jýyq sharshy metr turǵyn úı paıdalanýǵa beriledi, 34 sýmen jabdyqtaý nysanyn paıdalanýǵa berý josparlanǵan. Jergilikti mańyzy bar avtojoldardy jóndeý boıynsha 23 joba iske asyrylýda, onyń ishinde "Taraz qalasynan Qyrǵyzstan shekarasyna deıingi ońtústik aınalma joly" avtojolyn salý", "Taraz – Sarykemer – Túımekent – Aqsholaq" oblystyq mańyzy bar avtomobıl jolyn rekonstrýksııalaý", "Taraz – Jetibaı – Tegistik – Oıyq" avtomobıl jolyn rekonstrýksııalaý" jobalary bar.
2020-2025 jyldarǵa arnalǵan ındýstrıaldy-ınnovasııalyq damý memlekettik baǵdarlamasy aıasynda Jambyl oblysynda jalpy somasy 1051,6 mlrd teńgege 24 ınvestısııalyq joba júzege asyrylyp jatyr. "Qarapaıym zattar ekonomıkasy" baǵdarlamasy boıynsha 68,6 mlrd teńgege 114 joba maquldandy, onyń ishinde 2,2 mlrd teńgege 89 joba qarjylandyryldy.
Osy jyldyń 1 maýsymyndaǵy jaǵdaı boıynsha jumyspen qamtýdyń belsendi sharalarymen shamamen 17 myń adam qamtyldy. "Jumyspen qamtýdyń jol kartasy" baǵdarlamasy aıasynda 831 ınfraqurylymdyq joba júzege asyrylýda.
Memleket basshysynyń tapsyrmasy boıynsha Jambyl oblysynda aýylda kooperasııalyq tizbekti damytý jónindegi "Alańnan sórege deıin" jobasy júzege asyrylyp jatyr. Ol aýyl sharýashylyǵy ónimderiniń ımportyn qysqartýǵa, baǵany turaqtandyrýǵa jáne otandyq óndirýshilerdi qoldaýǵa baǵyttalǵan. Azyq-túlik taýarlaryn turaqty satyp alýdy qamtamasyz etýge 50 saýda orny men kóterme-taratý ortalyǵy, sondaı-aq 21 óńdeý kásiporny, 45 sharýa qojalyǵy men 10 kooperatıv qatysady.
Sonymen qatar aýyl turǵyndarynyń tabysyn arttyrý jónindegi pılottyq joba iske asyrylyp jatyr, onyń aıasynda 7,2 mlrd teńge somasyna 2478 ótinim qarjylandyryldy, oblystyń 11 aýyldyq okrýgindegi 7856 aýla qamtyldy.
Bıyl Qordaı aýdanynda áleýmettik, kólik jáne ınjenerlik ınfraqurylymdy damytý boıynsha jalpy quny 20,5 mlrd teńge bolatyn 387 joba júzege asyrylýda. 268 kentishilik kóshelerdi jáne aýdandyq mańyzy bar 4 avtojoldy qosa alǵanda, 350 km-den astam jol jóndeledi. Memleket basshysynyń tapsyrmasy boıynsha osy jyldyń sońyna deıin Qarakemer, Aýqatty, Bular batyr, Sortóbe, Masanchı, Qarasý, О́tegen – 7 aýyly gazdandyrylady.
"Nurly jol" memlekettik baǵdarlamasy aıasyndaǵy Qyrǵyzstanmen shekaradaǵy "Qordaı" shekara ótkelin rekonstrýksııalaý jumysy jolaýshylar aǵynyn 4 esege, al avtokóliktiń memlekettik shekara arqyly ótkizý qabiletin 2,5 esege arttyrýǵa múmkindik beredi. Qurylys jumystaryn bıyl jeltoqsan aıynda aıaqtaý kózdelgen. Aldaǵy kezeńde Qyrǵyzstanmen shekaradaǵy barlyq 8 beketti kezeń-kezeńimen rekonstrýksııalaý josparlanyp otyr.
Bıylǵy 12-13 maýsymda Jambyl oblysyna jumys sapary aıasynda QR Premer-Mınıstri Asqar Mamın Taraz qalasynda, Jambyl jáne Baızaq aýdandarynda, sondaı-aq Qordaı aýdanynyń Masanchı, Qarakemer, Sortóbe jáne Qordaı aýyldarynda bolyp, óńirdi damytýdyń memlekettik baǵdarlamalarynyń iske asyrylý barysymen tanysty.
