Bul nátıjege ol koronavırýske baılanysty uzaqqa sozylǵan úzilisten keıin qaıta jalǵasyp tapqan Ispanııa chempıonatynyń 28 týrynda qol jetkizdi. "Malorkaǵa" qarsy kezdesýde qonaqtar alań ıeleriniń qaqpasyna jaýapsyz tórt dop soqty. Alǵashqy úsh goldy Artýro Vıdal (2 mınýt), Martın Breıtýeıt (37 mınýt) jáne Jorda Alba (79 mınýt) salsa, básekeniń aıaqtalýyna sanaýly ǵana sekýndttar qalǵanda Lıonel Messı nysanany dál kózdep, matchtyń sońǵy núktesin qoıdy. Sonymen qatar, Argentınanyń juldyzy eki ret nátıjeli pas bergenin de aıta ketken abzal. Bul – onyń bıylǵy maýsymdaǵy 20-shy goly.
Al osyǵan deıingi chempıonattarda Lıonel Messı osynshama ret qarsylastar qaqpasyn dál kózdegen edi:
2008/09 – 23 gol
2009/10 – 34 gol
2010/11 – 31 gol
2011/12 – 50 gol
2012/13 – 46 gol
2013/14 – 28 gol
2014/15 – 43 gol
2015/16 – 26 gol
2016/17 – 37 gol
2017/18 – 34 gol
2018/19 – 36 gol
