Qazaqstan Respýblıkasy Parlamenti Senaty Ekonomıkalyq damý jáne kásipkerlik komıtetiniń músheleri Cheh Respýblıkasynyń Qazaqstan Respýblıkasyndaǵy Tótenshe jáne ókiletti elshisi Bedrjıh Kopeskımen kezdesti. Kezdesý barysynda parlamentaralyq yntymaqtastyqty tereńdetý máseleleri talqylandy, dep habarlady osy palatanyń baspasóz qyzmeti.
Qazaqstan Respýblıkasy Parlamenti Senaty Ekonomıkalyq damý jáne kásipkerlik komıtetiniń músheleri Cheh Respýblıkasynyń Qazaqstan Respýblıkasyndaǵy Tótenshe jáne ókiletti elshisi Bedrjıh Kopeskımen kezdesti. Kezdesý barysynda parlamentaralyq yntymaqtastyqty tereńdetý máseleleri talqylandy, dep habarlady osy palatanyń baspasóz qyzmeti.
Chehııa – Qazaqstannyń Eýropalyq Odaq elderiniń ishindegi mańyzdy áriptesteriniń biri. Dıplomatııalyq qatynastar ornaǵan 20 jylda barlyq deńgeıde syndarly jáne senimdi únqatysý qalyptasty. Qazaqstan Prezıdenti N.Nazarbaevtyń byltyrǵy qazan aıyndaǵy Chehııaǵa resmı sapary tabysty baılanystardy údete túsýge tyń serpin berdi.
Parlament Senaty Ekonomıkalyq damý jáne kásipkerlik komıtetiniń tóraǵasy Talǵatbek Abaıdildın Qazaqstan men Chehııa parlamentteriniń joǵary palatalary arasynda tyǵyz qarym-qatynas ornyqqanyn jáne qazaqstandyq senatorlar áriptes chehııalyq komıtettegi depýtattardyń Astanaǵa kelý nıetin quptaıtynyn atap ótti.
«Tájirıbe kórsetip otyrǵandaı, ózara is-qımyldyń bul túri zań shyǵarý máseleleri jóninde syndarly únqatysýdy údetýge, ekonomıkany jańǵyrtý jáne qoǵamdyq jańarý salasynda tájirıbe almasýǵa yqpal etedi», dedi T.Abaıdildın.
Sondaı-aq, júzdesýshiler «Qazaqstan-Chehııa» parlamentaralyq dostyq tobynyń áleýetin barynsha tolyq paıdalaný jáne EQYU, Eýropa Keńesi jáne NATO sekildi halyqaralyq parlamentaralyq uıymdar aıasynda kópjaqty baılanystardy damytý jaıynda aıtty.
Kezdesý sońynda T.Abaıdildın cheh kompanııalaryn Astanada ótetin halyqaralyq EKSPO-2017 mamandandyrylǵan kórmesine belsendi qatysýǵa shaqyrdy.
