«Qazaqstan-2050» Strategııasyna sáıkes, údemeli ındýstrııalyq-ınnovasııalyq damý memlekettik baǵdarlamasy boıynsha Jetisýda krahmal-sirne zaýyty keńeıtilip, iske qosyldy. «Búgingi tańda bul óndiris ornyna 30 mıllıonnan astam AQSh dollary jumsaldy. Sonyń 70 paıyzy jeke qarajat bolsa, 30 paıyzy banktik zaım. Sondaı-aq, «Damý» qorynan 6 paıyzdyq jeńildikpen qarajat alynǵan. Bul degenimiz, Elbasynyń aýyl sharýashylyǵy salasyn damytyp, shıkizat óndirýmen shektelmeı qaıta óńdeý jumysyn tereńdetý týraly bergen tapsyrmasyn der kezinde júzege asyrý bolyp tabylady. Búgingi tańda zaýytta 400-den astam adam eńbek etedi. Jalpy, biz zaýytqa qajetti júgeriniń 30 paıyzyn ózimiz ósirýdemiz. Aldaǵy ýaqytta sol qajettiliktiń 50 paıyzyn óndirýdi josparlap otyrmyz, dedi «Ýnıversal» óndiristik kompanııasynyń prezıdenti Zákirjan Kýzıev.
«Qazaqstan-2050» Strategııasyna sáıkes, údemeli ındýstrııalyq-ınnovasııalyq damý memlekettik baǵdarlamasy boıynsha Jetisýda krahmal-sirne zaýyty keńeıtilip, iske qosyldy. «Búgingi tańda bul óndiris ornyna 30 mıllıonnan astam AQSh dollary jumsaldy. Sonyń 70 paıyzy jeke qarajat bolsa, 30 paıyzy banktik zaım. Sondaı-aq, «Damý» qorynan 6 paıyzdyq jeńildikpen qarajat alynǵan. Bul degenimiz, Elbasynyń aýyl sharýashylyǵy salasyn damytyp, shıkizat óndirýmen shektelmeı qaıta óńdeý jumysyn tereńdetý týraly bergen tapsyrmasyn der kezinde júzege asyrý bolyp tabylady. Búgingi tańda zaýytta 400-den astam adam eńbek etedi. Jalpy, biz zaýytqa qajetti júgeriniń 30 paıyzyn ózimiz ósirýdemiz. Aldaǵy ýaqytta sol qajettiliktiń 50 paıyzyn óndirýdi josparlap otyrmyz, dedi «Ýnıversal» óndiristik kompanııasynyń prezıdenti Zákirjan Kýzıev.
Naqty málimetke júginsek, zaýyt birinshi kezeńde 60 myń tonnaǵa deıin júgeri óńdeıdi. Oǵan agrarly oblysta tek dala arýyn ósirýmen aınalysatyn Panfılov, Uıǵyr, Eńbekshiqazaq aýdandaryndaǵy sharýa qojalyqtary men jeke tulǵalary ózderi óndirgen júgerilerin ótkizedi. Áleýeti zor bul óndiris orny aldaǵy ýaqytta 500 myń tonnaǵa deıin júgeri daqylyn qaıta óńdeýge eseptelgen. Sóıtip, turǵylyqty halyqty týyp-ósken jerinde eńbek etip, sonyń óteýin alysqa sabylmaı óz aýylynan alýǵa bir jol ashyldy. Sharýa qojalyqtarynyń 90 paıyzy dala arýyn ósiretin Panfılov aýdany jylyna 70-80 myń tonna taýarly júgeri ósirse, sonyń 60 myń tonnasyn eki jaqqa da tıimdi baǵamen atalǵan zaýyt alady. Negizi júgeri birneshe tarmaq boıynsha óńdelip, tapsyryspen qajetti ónimdi shyǵarǵan soń, eshqandaı qaldyq qalmaıtyn daqyl jáne basym bóligi Jetisý jerinde ǵana ósetindikten úlken suranysqa ıe. Osyndaı artyqshylyqtary bolǵandyqtan dala arýy ónetin óńirde Ortalyq Azııadaǵy teńdessiz zaýyt salynyp otyr.
Nurbol ÁLDIBAEV,
«Egemen Qazaqstan».
Almaty oblysy.
----------------------------
Sýretterdi túsirgen
Jumabaı MUSABEKOV.
