ShÁKIRTTER DE, BÚLDIRShINDER DE MÁZ

Almaty qalasynda bir mektep pen bir balabaqsha qatarǵa qosyldy О́tken aptanyń sońynda Túrk­sib aýdanyndaǵy “Túrksib besjyldyǵy” yqsham aýdanynda jal­py bilim be­re­tin mekteptiń jáne Alataý aýda­nyn­daǵy “Uljan” yqsham aýda­nyn­da balabaqshanyń ashylý sal­tan­a­tyna qala ákimi Ahmetjan Esimov qa­tysty. Barǵan saıyn molaıa tús­ken kóktem shýaǵyna oraılasqan osy ıgilikti jaǵdaılar ata-analardy, oqýshy balalar men jas jet­kin­shek­terdi qýanyshqa bóledi. Qazaq jáne orys tilderinde oqy­tylatyn №84 orta mektebi “100 mektep, 100 aýrýhana” baǵdarlamasy aıasynda, 1939 jyldan beri jumys istep kele jatqan eski mekteptiń or­nyn­da boı kóterdi. Bul kóz súıin­dir­gen jańa nysannyń smetalyq quny 1 mlrd. 648 mln. teńgege tústi. Jańa bilim ordasy 1200 oqýshyǵa esep­telip salynǵan. Kóktemgi kanı­kýl­dan keıingi tórtinshi toqsannyń bi­rinshi oqý kúninde 1-11 synyptar bo­ıynsha 700-den astam bala sa­baqqa kiristi. Aýmaǵy 14634,1 shar­shy metr bolatyn oqý orny osy za­mandyq jobamen salynyp, ýaqyt ta­labyna saı jabdyqtarmen, ın­te­rak­tıvti taqtalarmen, kom­pıý­ter­lermen jáne basqa quraldarmen jaraqtalǵan. Mektepte oqý jáne kórermen zaldary, kitaphana, sport­tyq-saýyqtyrý oryndary, aqpa­rat­tyq ortalyq, ashana jumys isteıdi. Oqýshylardy, olardyń ata-ana­laryn jáne muǵalimder qaýymyn jańa qonys toıymen quttyqtaǵan qala ákimi sońǵy jyly Almatyda osyn­daı bes jańa bilim ordasy sa­lyn­ǵandyǵyn atap kórsetti. Jab­dyq­talýy men jobasy jaǵynan myna mektep solardyń qaı-qaısynan da kem soqpaıtyn tamasha nysan bolyp tabylady. Munda balalardyń sapaly bilim men laıyqty tárbıe alýy úshin ne qajettiń bári jasalǵan. Demek, Elbasynyń aıtýyna saı, óskeleń urpaqqa tereń bilim, tamasha tárbıe berip, olardyń sanasyna jańashyl da sergek azamattyq rýhty barynsha sińirý údesinen shyǵý – muǵalimder úshin paryz. Al 320 oryndyq №165 jańa balabaqshanyń ashylýy Elbasy qamqorlyǵyndaǵy Alataý aýdany turǵyndarynyń kóńilinen shyqty deý kerek. Bul Almatynyń jańa ákimshilik aýdanynda sońǵy jylda paıdalanýǵa berilip otyrǵan úshinshi balabaqsha. Jalpy aýmaǵy 6265,5 sharshy metrlik nysanǵa qala bıýd­je­tinen 740 mln.teńge qarjy bó­lingen bolatyn. Sonyń bári sátimen ıgerildi. Balabaqsha jas erek­she­li­gine oraı 16 topqa eseptelip sa­lynǵan. Ár topta 20-ǵa deıin bala bolmaq. Munda haýyz, oınaıtyn jáne uıyqtaıtyn bólmeler, kir jýatyn oryn, medı­sına bólimi, tamaqtandyrý blogy, sondaı-aq aýlada birneshe oıyn alańy bar. Sonymen qatar atalmysh nysanda suıyq otynmen jaǵylatyn óz qazandyǵy ornatylǵan. Avtomatty rejımdegi kún batareıalary jumys isteıdi. Munyń ózi jazǵy ýaqytta sý jylytatyn otyndy únemdeýge múmkindik bermek. Sóz retine qaraı aıta ketsek, Almaty qalasynda áli 22 myń bala balabaqsha kezeginde tur. Qazir “Dar­han” jáne “Dýman” yqsham aýdan­darynda árqaısysy 320 or­yndyq eki balabaqsha qurylysy júrgizilip jatyr. Sondaı-aq jyldyń ekinshi jartysynda “Qalqaman” jáne “Kók­jıek” yqsham aýdandarynda taǵy eki balabaqsha qurylysy bastalmaq. Qorǵanbek AMANJOL.