Keshe Májiliste «Qorshaǵan ortany qorǵaý mınıstrligimen ekologııalyq problemalardy sheshý jáne Qazaqstan Respýblıkasynyń «jasyl ekonomıkaǵa» kóshýi boıynsha qabyldanatyn is-sharalar týraly» degen taqyrypta palata Tóraǵasynyń orynbasary Sergeı Dıachenkonyń jetekshiligimen Úkimet saǵaty ótti.
Keshe Májiliste «Qorshaǵan ortany qorǵaý mınıstrligimen ekologııalyq problemalardy sheshý jáne Qazaqstan Respýblıkasynyń «jasyl ekonomıkaǵa» kóshýi boıynsha qabyldanatyn is-sharalar týraly» degen taqyrypta palata Tóraǵasynyń orynbasary Sergeı Dıachenkonyń jetekshiligimen Úkimet saǵaty ótti.
«Qazaqstan-2050» Strategııasynda Elbasy N.Nazarbaev elimizdiń «jasyl» damý jolyna kóshýge negizdelgen, tıimdi jáne turaqty ekonomıka qurý mindetin qoıdy. «Jasyl ekonomıka» halyqtyń turmys-jaǵdaıyn kóterý, bolashaq úshin tabıǵat qorlaryn únemdi jáne utymdy qoldaný ekonomıkasy bolyp tabylady. Úshinshi sessııany ashý kezinde sóılegen sózinde Elbasy Nursultan Nazarbaev, ekonomıkada jáne kúndelikti ómirde: sý resýrstaryn basqarý; taza aýany saqtaý; energııany únemdeý jáne tıimdi paıdalaný; jańartylǵan energııa kózderin damytý boıynsha birqatar máseleni ataǵan bolatyn. Osyǵan baılanysty «jasyl ekonomıkaǵa» kóshý tujyrymdamasy bekitildi. Onyń aıasynda joǵaryda atalǵan máselelerdi iske asyrý jáne EKSPO-2017 Halyqaralyq kórmesin uıymdastyrý mindetteri qoıyldy. Sonymen qatar, byltyrǵy maýsym aıynda ótken Úkimet saǵatynyń qorytyndysy boıynsha, depýtattar birqatar usynystar bergen bolatyn. Mınıstr solardyń oryndalýy týraly aıtyp ótse eken», – dep Tóraǵanyń orynbasary baıandama jasaý úshin Qorshaǵan ortany qorǵaý mınıstri Nurlan Qapparovqa sóz berdi.
Úkimet «jasyl» ekonomıkaǵa kóshý jónindegi tujyrymdamany iske asyrý maqsatynda 2013-2020 jyldarǵa arnalǵan is-sharalar josparyn bekitti. Josparda qaldyqtardy basqarý júıesin jańǵyrtý jáne aýanyń lastanýyn tómendetý, sý resýrstaryn basqarý júıesin jetildirý, ornyqty aýyl sharýashylyǵy qaǵıdattaryn engizý; energııa tıimdiligin jáne energııa únemdeýdi arttyrýǵa baǵyttalǵan is-sharalardy iske asyrý, energııa qorjyndaryn jańǵyrtý men jańartylatyn energııa kózderin damytý boıynsha birqatar sharalar qabyldaý kózdelgen.
Álemniń eń úzdik tájirıbesin eskere otyryp, jańartylatyn energııa kózderin sátti damytý maqsatynda jańartylatyn energııa kózderin paıdalanýdy qoldaý máselelerin retteıtin zańnamaǵa ózgerister men tolyqtyrýlar engizildi. El damýynyń 2050 jylǵa deıingi Strategııasy 2020 jylǵa qaraı halyqty jáne 2030 jylǵa qaraı aýyl sharýashylyǵyn sýmen turaqty qamtamasyz etý maqsattaryn qoıyp otyr. 2050 jylǵa qaraı sý resýrstaryna baılanysty barlyq problemalar sheshilýi tıis. Qoıylǵan mindetterdi iske asyrý maqsatynda sý resýrstaryn basqarý jónindegi memlekettik baǵdarlama ázirlenýde.
Kútilip otyrǵan sýdy tutynýdyń ósý úrdisi jáne sý resýrstarymen qamtamasyz etýdiń tómendeýi óńirlik tapshylyqtyń ósý qaýpi bar degen tujyrym jasaýǵa múmkindik beredi, ıaǵnı Qazaqstandaǵy segiz sý basseıniniń altaýy 2020 jylǵa qaraı osy qaýipke ushyraýy múmkin. Eger sý resýrstaryn paıdalanýdyń jáne basqarýdyń tıimdiligi artpaıtyn bolsa, onda 2040 jylǵa qaraı sý tapshylyǵy artady. Bul, óz kezeginde, halyqty sýmen qamtamasyz etýge, IJО́ ósýine jáne ekologııa jaǵdaıyna keri áserin tıgizýi múmkin, dedi óziniń sózinde mınıstr.
Sondaı-aq, ol shektes memlekettermen transshekaralyq ózenderdi birlesip paıdalaný jáne olardy qorǵaý máseleleri boıynsha memleketaralyq yntymaqtastyqqa úlken nazar aýdarylyp otyrǵanyn atap ótti. Qytaı Halyq Respýblıkasymen transshekaralyq ózenderdiń sýyn bólý boıynsha jumys josparǵa sáıkes jalǵastyrylyp keledi. Bekire tuqymdas balyqtardyń túrin saqtaý – eń mańyzdy ekologııalyq problemalardyń biri. «Jasyl ekonomıkaǵa» kóshý jónindegi tujyrymdamany iske asyrý jónindegi is-sharalar josparynyń sheńberinde 2020 jylǵa deıingi balyq sharýashylyǵyn damytý baǵdarlamasy ázirlenetin bolady. Qazaqstan Respýblıkasynyń «jasyl ekonomıkaǵa» kóshýi jónindegi is-sharalar josparyn iske asyrý sheńberinde 2020 jylǵa deıin orman salasyn damytý baǵdarlamasy ázirlenbekshi, dedi osy oraıda N.Qapparov.
Mınıstrdiń sózine qaraǵanda, jalpy respýblıka boıynsha aǵymdaǵy jyly orman molyqtyrýdy 69 myń ga alqapta júrgizý josparlanypty. Perspektıvada respýblıkada ormandy molyqtyrý boıynsha jumys kólemi 2020 jylǵa qaraı jyl saıyn 80 myń gektarǵa deıin jetkizilmekshi eken. Jabaıy janýarlar túrlerin saqtaýdy qamtamasyz etý úshin Qylmystyq jáne Ákimshilik kodeksterine jabaıy janýarlardy zańsyz aýlaǵany úshin jaýapkershilik sharasyn kúsheıtetin brakonerlik kúresý normalary engizilipti.
Qazirgi ýaqytta elimizdiń aýmaǵyndaǵy barlyq qaldyqtar qoqystarǵa kómý úshin aparylady, dedi N.Qapparov ári qaraı. Astanadaǵydan basqa eshbir qoqys orny kómýdiń sanıtarlyq normalary men ekologııalyq standarttaryna sáıkes kelmeıdi. Jalpy alǵanda, barlyq polıgondardyń áreket etý merzimderi ótken. Al ázirlengen baǵdarlama turmystyq qatty qaldyqtarmen jumys jasaý júıesin jetildirýge, sondaı-aq, elimizdiń ekologııalyq zańnamasy talaptaryn múltiksiz oryndaý boıynsha sharalar qabyldaýǵa baǵyttalǵan.
Taqyrypqa qosymsha baıandamany palatanyń Ekologııa máseleleri jáne tabıǵat paıdalaný komıtetiniń tóraǵasy Aleksandr Mılıýtın jasady. Al Úkimet saǵatyn S.Dıachenko mınıstr ekologııalyq problemalardy sheshý jáne «jasyl ekonomıkaǵa» kóshý jóninde mınıstrlik atqarǵan jumystar jóninde tolyq aqparat berdi. Baıandama mazmundy boldy, suraqtarǵa tolyq jaýap berildi. Sonymen qatar, ótken jylǵy Úkimet saǵatynda berilgen usynystar men mindetterdiń oryndalý barysy jóninde de aıtylyp ótti. Bul óte oryndy jáne durys. Basty maqsat – halyqtyń ómiri men densaýlyǵy úshin qolaıly ortany qalyptastyrý. Osyǵan sáıkes, búgingi másele jan-jaqty talqylandy. Otyrys qorytyndysy boıynsha, Úkimetke birqatar usynystar jobasy daıyndaldy jáne osynda aıtylǵan usynystar tolyq eskeriledi», dep qorytty.
Asqar TURAPBAIULY,
«Egemen Qazaqstan».
