Qaırat Mámıdiń tóraǵalyq etýimen Parlament Senaty Bıýrosynyń otyrysy boldy, dep habarlady osy palatanyń baspasóz qyzmeti.
Qaırat Mámıdiń tóraǵalyq etýimen Parlament Senaty Bıýrosynyń otyrysy boldy, dep habarlady osy palatanyń baspasóz qyzmeti.
Bıýroda Qazaqstan Respýblıkasy men Azııa Damý Banki arasyndaǵy OAО́EY 3 Dáliz (Shymkent – Tashkent) jolyn rekonstrýksııalaý jobasyna baılanysty qaryz jónindegi kelisimdi ratıfıkasııalaý týraly zań jobasy Ekonomıkalyq damý jáne kásipkerlik komıtetine berildi.
Psıhıkasynyń buzylýynan zardap shegetin adamdardy májbúrlep emdeýden ótkizý úshin berý týraly konvensııany ratıfıkasııalaý týraly zań jobasy Konstıtýsııalyq zańnama, sot júıesi jáne quqyq qorǵaý organdary komıtetine berildi.
Odan basqa, bıýro bıylǵy 10 qazanda bolatyn palata otyrysynyń kún tártibin qarady. Atap aıtqanda, otyrysqa Qazaqstan Respýblıkasy Prezıdentiniń elimizdiń Ulttyq Banki Tóraǵasyn taǵaıyndaýyna kelisim berý máselesi shyǵarylady. Basqa da zań jobalaryn talqylaý kózdelip otyr. Sondaı-aq, senatorlar keıbir zańnamalyq aktilerge eńbek kóshi-qony máseleleri boıynsha ózgerister men tolyqtyrýlar engizý týraly zań jobasyn birinshi oqylymda talqylaıdy.
