Olardyń paıymdaýynsha, bul tartystyń basty favorıti Robert Levandovskı. 31 jastaǵy Polsha ulttyq quramasy men Mıýnhenniń "Bavarııa" klýbynyń shabýylshysy qazirgi kezde keremet oıyn órnegimen kózge túsip, ózge básekelesterinen oq boıy ozyq tur. Bıylǵy maýsymda ol Germanııa býndeslıgasynyń 28 oıynyna qatysyp, 30 gol soqty. Taǵy úsh ret nátıjeli pas berdi.
Robert Levandovskıdi "Barselonanyń" kapıtany, argentınalyq Lıonel Messı men "Iýventýstyń" surmergeni, portýgalııalyq Krıshtıaný Ronaldý ókshelep keledi.
Sondaı-aq, "Altyn doptan" úmitti "TOP-10" fýtbolshynyń qatarynda Kevın De Brıýıne ("Manchester Sıtı"), Tomas Mıýller ("Bavarııa"), Neımar (PSJ), Erlıng Holand ("Borýssııa" Dortmýnd), Kılıan Mbappe (PSJ), Djeıdon Sancho ("Borýssııa" Dortmýnd) jáne Serj Gnabrı ("Bavarııa") syndy juldyzdar bar.
