Oblystyq densaýlyq saqtaý basqarmasynyń habarlaýynsha, 1972 jylǵy naýqastyń 13 maýsymda dene qyzýy kóterilip, tynys alýy qıyndap, azdaǵan jótelmen Jylyoı aýdandyq aýrýhanasyna júginipti. Dárigerler naýqasty provızorlyq bólimge jedel járdem kóligimen jetkizipti. Naýqasqa jasalǵan KT saraptamasynyń qorytyndysynda ókpesiniń 50%-y qabynǵany rastalypty.
"Jaǵdaıynyń aýyrlyǵyna baılanysty ınfeksııalyq aýrýhananyń boks palatasyna jatqyzylyp, kómek kórsetildi. Oblystyq aýrýhana dárigerleriniń keńesimen ókpeni jasandy jeldetý apparatyna qosý týraly sheshim qabyldandy. Alaıda, dárigerler tarapynan jasalǵan kómekke qaramastan, naýqas 15 maýsym kúni qaıtys boldy", - dep habarlady oblystyq densaýlyq saqtaý basqarmasynan.
Naýqastyń buryn densaýlyǵyna baılanysty esepte turmaǵany anyqtalyp otyr.
Atyraý oblysy
