Baıqaýǵa muryndyq bolǵan "BAURZHAN foundation" Jeke qory shyǵarmashylyq jarystyń nátıjesin "Balalar álemdi beıneleıdi" QQ jáne "Samruk-Kazyna Trust" áleýmettik jobalardy damytý qorymen birlese otyryp shyǵardy. Eń úzdik sýretter Abaı Qunanbaevtyń 175 jyldyǵyna arnalǵan "Qara sózder" kitabynyń ıllıýstrasııalanǵan basylymynda jarııalanady.
Osylaısha, oıshyl aqynnyń mereıtoıy qarsańynda júrip jatqan sharalar qataryna "Qara sózder" sýret baıqaýy da qosyldy. Aty aıtyp turǵandaı, baıqaý – Abaı Qunanbaevtyń 45 ósıet áńgimesi men fılosofııalyq traktattarynan turatyn "Abaıdyń qara sózderine" negizdelgen. Dál osy áńgimeler balalardyń shyǵarmashylyq jumysynyń ózegine aınaldy.
Baıqaýǵa barlyǵy búkil Qazaqstannyń jas sýretshilerinen 300-ge jýyq jumys kelip tústi. Abaıdyń qara sózin túsinip, ony beıneleý – jeńimpazdardy tańdaýdyń negizgi ólshemi boldy. Nátıjesinde kásibı sýretshilerden turatyn sarapshylar qazylar alqasy: ıllıýstrator jáne jazýshy Asylgúl Baıdaralına, shyny, keramıka jáne akvareldi keskindeme sheberi Mereı Ibragımov, sýretshi-grafık Murat Dilmanov, QQ "Balalar álemdi beıneleıdi" dırektory Móldir Bekjan jáne BAURZHAN qorynyń joba-menedjeri Saıda Ibragımova úzdik 45 jumysty iriktep aldy.
Baıqaýdyń basty ereksheligi – jeńimpazdardyń jumystary tusaýkeseri osy jazdyń sońyna josparlan "Abaıdyń qara sózderi" atty jańa mereıtoılyq kitap basylymyna enedi. Kitaptar eldegi barlyq kitaphanalarǵa taratylatyndyqtan qoljetimdi bolady.
"Abaıdyń Qara sózderi" baıqaýynyń negizgi maqsaty – bul árıne, Abaı Qunanbaev qaldyrǵan qundylyqtarynyń arqyly óskeleń urpaqqa óziniń shyǵarmashylyq áleýetin ashýǵa kómektesý. Biz jańa sýretti kitap qazirgi jastar shyǵarmashylyǵy men úlkenderdiń danalyǵynyń sımvolyna aınalatynyna senimdimiz, - deıdi BAURZHAN Qory jobasynyń menedjeri Saıda Ibragımova.
Almaty
