Kelisimshart boıynsha 184 úıdiń 182-ne 17 mln teńgeniń 50%-y aýdarylyp, turǵyndardyń basym bóligi qurylys jumystaryn bastap ketti. Qazirgi tańda 66 úıdiń irgetasy qalanýda jáne 8 úıdiń qabyrǵasy órilýde. Sonymen qatar 1 úıdiń shatyry jabylǵaly tur.
Budan bólek, 50 úıdiń qurylys alańy daıyndalyp, qurylys jumystaryn bastaý úshin retke keltirilgen. Osy ýaqytqa deıin aýylda 130 úıge buzý jumystary jasalǵan.
Jalpy 175 qurylysshy 17 ujymǵa birigip, qurylys jumystaryn qarqyndy júrgizýde. О́zbekstan Respýblıkasy tarapynan órgebastyqtarǵa 3 ekskavator, 1 kamaz ben 30 adam kómek berip jatyr.
Aıta keteıik, О́rgebas aýyly 1971 jyly qurylǵan. Eldi mekenniń jer kólemi 1256 gektardy, sonyń ishinde egistik jerdiń kólemi 1203 gektardy quraıdy. 1451 turǵyny bar.
Aýylda 1 mektep, 2 balabaqsha, 1 medısına pýnkti men 1 polısııa pýnkti bar. Sonymen qatar 155 sharýa qojalyǵy, 1 mal bordaqylaý alańy, 3 saýda núktesi men 1 jaýapkershiligi shekteýli seriktestik jumys isteıdi.
