Qazgıdromet málimetinshe, Qazaqstannyń basym bóliginde jaýyn-shashyn mólsheri norma shamasynda bolady dep kútilýde. Ortasha kópjyldyq mánderden az jaýyn-shashyn mólsheri tek ońtústik-batys bóliginde (Mańǵystaý, Qyzylorda, Túrkistan oblysy, Aqtóbe oblysynyń ońtústigi), ortalyqta (Qaraǵandy oblysy jáne Balqash kóli) jáne Almaty jáne Jambyl oblystarynyń soltústik jartysynda ǵana bolady.
Shilde aıynda ár onkúndikte Atlant, Skandınavııa jáne Kar teńizi aýdandarynan sýyq jáne ylǵaldy aýa massasynyń basyp kirýiniń nátıjesinde sýyqtyń qysqa merzimdi tolqyndary kútilýde.
Elimiz boıynsha jańbyr, ekpindi jel jáne aýa temperatýrasynyń tómendeýi boljanýda: soltústik jartysynda túnde +7+12°S deıin, kúndiz +17+23°S deıin; ońtústik jartysynda túnde +13+18°S deıin, kúndiz +25+30°S deıin.
Shilde aıynda Qazaqstannyń soltústik aımaqtarynda aýa temperatýrasynyń negizgi aıasy +25+33°S, al ońtústikte +30+35°S bolady.
Biraq jeke kúnderi Iran men Orta Azııa aýdandarynan ystyq tropıkalyq aýanyń esebinen ońtústik jartysynda aýa temperatýrasynyń +35+45°S deıin aıtarlyqtaı kóterilýi, al soltústik jartysynda termometr baǵany +30+38°S deıin kóterilýi kútilýde.
Sınoptıkterdiń boljamy boıynsha, shilde elimizdiń barlyq aımaqtaryn naǵyz jazǵy kún shýaǵymen jáne ystyq kúndermen qýantady.
