Keshe Aıagóz aýdanynda jyldamdyǵy sekýndyna 28 metrge jetken ekpindi jel soǵyp, aýdan ortalyǵy – Aıagóz qalasyndaǵy kóptegen ǵımarattar zardap shekken bolatyn.
Jańa oblys ákimi Danıal Ahmetov óziniń feısbýktegi paraqshasynda búgin Aıagóz aýdanynda tótenshe jaǵdaı jarııalanǵanyn habarlady.
«Orynbasarym B.Baıahmetov bastaǵan arnaıy komıssııa jolǵa shyqty. Oqıǵa ornynda barlyq kommýnaldyq jáne apattyq qyzmetter jumys júrgizýde. Qalpyna keltirý jumystaryn bir apta ishinde aıaqtaýdy tapsyramyn. Qajetti qarajat bólinedi. Aldyn ala derekter boıynsha tótenshe jaǵdaı saldarynan 72 turǵyn úı jáne 19 kópqabatty úı, sondaı-aq 8 ákimshilik ǵımarat zardap shekti. Aǵashtar men butaqtardyń qulaýy saldarynan elektr jelileri úzildi. Nátıjesinde 3679 abonent elektr jaryǵynsyz qaldy. Qazirgi ýaqytta kezeń-kezeńimen jaryqty qosyp jatyr. ShQ О́EK-nyń 5 apattyq brıgadasy jaqyn arada qalǵan 700 abonentte jumysty aıaqtaýy tıis. Sondaı-aq, qalalyq aýrýhanaǵa túrli dárejedegi jaraqattarmen 7 adam shaǵymdanǵan. Qazir jaǵdaılary turaqty, stasıonarda bir naýqas jatyr» dep jazdy aımaq basshysy.
Oblystyq Tótenshe jaǵdaılar departamenti baspasóz qyzmetiniń taratqan aqparatyna súıensek, daýyldan zardap shekken ákimshilik ǵımarattardyń 4-ýi mektep, bireýi balabaqsha jáne aýdandyq ortalyq aýrýhana.
Shyǵys Qazaqstan oblysy,
Aıagóz aýdany
