Aımaqtar • 17 Maýsym, 2020

36 kásiporyn "Halyqtyq baqylaý" jobasyna qosyldy

432 ret

kórsetildi

1 mın

oqý úshin

Qazaqstannyń jeti óńiriniń 36 kásiporny "Halyqtyq baqylaý" jobasyna qosyldy, onyń negizgi maqsaty óndiristegi qaýipsizdik tehnıkasy men eńbekti qorǵaý talaptarynyń saqtalýyn baqylaýdy kúsheıtý bolyp tabylady dep habarlady Egemen.kz

Suńǵat ÁLIPBAI

36 kásiporyn "Halyqtyq baqylaý" jobasyna qosyldy

"Halyq baqylaýshylary" retinde kásiporyndarǵa múmkindikteri shekteýli, sonyń ishinde jalpy aýrýlar boıynsha múmkindikteri shekteýli adamdardy tartady. Beınebaqylaý júıesiniń kómegimen olar óndiristegi barlyq qaýipsizdik erejeleriniń buzylýyn aýysym boıynsha qadaǵalaıdy. Bul qaýipsiz eńbek jaǵdaılaryn qamtamasyz etý úshin qajetti sharalardy ýaqtyly qabyldaýǵa, al jumys berýshiler úshin múgedekterdi jumysqa ornalastyrý boıynsha kvotany paıdalanýǵa múmkindik beredi.

О́ńirler bólinisinde "Halyqtyq baqylaý" jobasyna Shymkent qalasynda 12 kásiporyn, Mańǵystaý oblysynda 7 kásiporyn, Aqtóbe jáne Jambyl oblystarynda

5 kásiporynnan, Pavlodar oblysynda 4, Qyzylorda oblysynda 2 jáne Qostanaı oblysynda 1 kásiporyn qosyldy.

Esterińizge sala keteıik, "Halyqtyq baqylaý" jobasy 2019 jylǵy mamyr aıynda Memleket basshysy Aqtóbe oblysyna barǵan kezde "Qazhrom" TUK" AQ ferroqorytpa zaýytynda tanystyryldy. Kezdesý qorytyndysy boıynsha QR Prezıdenti atalǵan jobany elimizdiń basqa da kásiporyndaryna engizý múmkindigin qarastyrýdy tapsyrdy.