Aýyl sharýashylyǵy basqarmasynyń basshysy Nurbek Badyraqovtyń málimdeýinshe, bıylǵy 5 aıdyń qorytyndysy boıynsha óńirdegi aýyl sharýashylyǵynyń jalpy ónimi 140 mlrd teńge bolyp, respýblıkadaǵy úlesi 15%-ǵa jetken.
"Osylaısha respýblıka boıynsha ekinshi oryndy ıemdendik. Jyl sońyna deıin aýyl sharýashylyǵy ónimi ótken jyldan 77 mlrd teńgege artyp, 706 mlrd teńge kóleminde bolady dep mejelengen. Búgingi kúnge ónim jınaý naýqany bastalyp, 2,2 myń tonna baqsha, 245,4 myń tonna kókónis, 22,3 myń tonna kartop jınaldy. Odan bólek 727,2 myń tonna mal azyǵy daıyndaldy", dedi Nurbek Baqtybaıuly.
Oblys boıynsha masaqty daqyldardan 477,4 myń tonna, dándik júgeriden - 202,8 myń, maqsarydan - 74,4 myń, maqtadan - 334,8 myń, kókónis, baqsha, kartoptan 2 mln 760 myń tonna ónim alý josparlanǵan.
Sonymen qatar, óńirde tamshylatyp sýǵarý ádisi qosymsha 1,7 myń gektarǵa ulǵaıyp, jalpy kólemi 19,3 myń gektarǵa jetti. Al jylyjaılar 55,02 gektarǵa salynyp, jalpy kólemi 1 168 gektar bolǵan. Búgingi kúnge, jylyjaılarda jalpy 88,2 myń tonna ónim óndirildi.
Túrkistan oblysy
