О́ıtkeni, jazdyń aıaǵynda elimizdegi epıdemıologııalyq ahýal qıyndap, atalǵan kólik ıeleri bul naýqannan tys qalýy múmkin. IIM Ákimshilik polısııa komıteti basshysynyń orynbasary Serik Túsipovtyń aıtýynsha, Armenııanyń ýákiletti organdarynda Qazaqstan azamattarynyń attaryna tirkelgen, sondaı-aq elimizge 2020 jyldyń birinshi aqpanyna deıin ákelingen avtokólikter jatady. Mundaı kólikti senimhatpen nemese saqtandyrý polısi boıynsha basqaryp júrgen tulǵalar tirkeı almaıdy. Sebebi olar bul sanattaǵy kólikterdiń menshik ıeleri bolyp sanalmaıtynyn aıtady tártip saqshylar. Degenmen saqtandyrý polısi arqyly atalǵan kólik quraldaryn basqarý quqyǵy beriledi.
"Tıisti qaýlynyń negizinde avtokólikti tirkeý quny 11 946 teńgeni quraıdy. Tirkeý úshin taǵaıyndalatyn alymnyń quny 695 teńge. Tehnıkalyq tólqujat úshin 3473 teńge jáne memlekettik nómir úshin 7778 teńge tóleý tártibi qarastyrylǵan. Ákelingen kólikter Armenııanyń quzyrly organdarynyń esebinde turǵandyqtan olardy Qazaqstanǵa tirkeý kezinde sary tústi memlekettik tirkeý nómiri tabystalady. Mundaı nómirler basqa memlekette turaqty tirkeýi bar kólikterge beriledi. Buǵan qosa kólik ıesiniń turǵylyqty óńiri boıynsha oblystyq kody tapsyrylady", - dedi S.Túsipov.
