QR Bilim jáne ǵylym mınıstri Ashat Aımaǵambetov basqa elderdegi Qazaqstan elshilikteriniń ókilderimen onlaın-kezdesý ótkizdi. Jıynǵa qatysýshylar qazaqstandyq joǵary bilim salasyn ınternasıonalızasııalaý boıynsha halyqaralyq yntymaqtastyq máselelerin talqylady.
Mınıstrlik tujyrymdamalar daıyndap, 20 kelisimshartqa qol qoıýǵa daıyndalyp jatyr, olar kelesi máselelerdi qamtıtyn bolady:
- birlesken ǵylymı zertteýler júrgizý kezinde halyqaralyq yntymaqtastyqty damytý;
- stýdentter men oqytýshylardyń akademııalyq utqyrlyǵyn damytý;
- joǵary oqý oryndarynda qos dıplomdy baǵdarlamalar ashý;
- tepe-teń negizde granttar bólý;
- bilim týraly qujattardy taný.
Almasý baǵdarlamasy aıasynda jyl saıyn sheteldik joo-larda 610-nan astam qazaqstandyq stýdent grant boıynsha bilim alady. Sonymen qatar elimizdiń joǵary oqý oryndarynda kvota sany artty, búginde 345-ke jýyq sheteldik azamattyń Qazaqstanda bilim alýyna bolady.
