Qazir avtobýstar belgili bir ýaqyttarda ǵana qatynaıdy. Turǵyndar sanıtarlyq talaptardy qatań saqtaýlary tıis. Osy shekteýler men talaptar qanshalyqty oryndalyp jatyr? Adamdardyń shoǵyrlanýyn barynsha azaıtý qajet bolyp tur. Sońǵy ýaqytta qala turǵyndary men qonaqtary indettiń qaýpin eskermeı, qoǵamdyq kólikterde saqtaný quraldarynsyz júretin faktileri jıilep ketti,–deıdi oblystyń bas sanıtarlyq dárigeri Aınagúl Mýsına.
Kókshetaýda jolaýshylar tasymaldaıtyn 130 avtobýs bar. Búginde sonyń teń jartysy, ıaǵnı 75 avtobýs marshrýttarda júr. Aldaǵy ýaqytta jaǵdaı turaqtalsa, barlyq qoǵamdyq kólikterdiń jumysy jandanady. Qaýipti kesel múldem órship ketse, onda qoǵamdyq kólikterdiń qatynasy múldem toqtatylýy múmkin.
