Aıtýly uıym músheleriniń sheshimine saı Olımpııa oıyndarynyń lısenzııalary álem kýbogy barysynda sarapqa salynady. Bul doda kelesi jyldyń 20-23 mamyr aralyǵynda Reseıdiń Barnaýl qalasynda uıymdastyrylady. Jarys jolyna myńǵa jýyq sportshylar qatysady dep kútilýde. Solardyń arasynan ozyp shyqqandar Tokıoda baq synaý múmkindigine ıe bolady.
Esterińizge sala keteıik, 2016 jyly Rıo-de-Janeıroda alaýy tutanǵan Olımpııa oıyndarynda eskek esýshiler saıysynda Germanııa quramasy jalpy komandalyq esepte kósh bastady. Nemister 4 altyn, 2 kúmis jáne 1 qolany qorjynǵa saldy. 3 altyn jáne 1 qolasy bar Ispanııanyń ókilderi ekinshi orynǵa taban tirese, Brazılııa kóginde óz elderiniń ánuranyn úsh márte shyrqatqan Majarstannyń eskekshileri úshinshi oryndy ıelendi.
