Almatylyq aýrýhanalardan reportajdar, dárigerler men olardyń otbasylarymen kezdesýler, el men qalanyń densaýlyq saqtaý salasynda aty ańyzǵa aınalǵan qaıratkerlerdiń áńgimeleri, pandemııaǵa qatysty keńester men usynystar, sonymen qatar, aq halattylardyń súıip tyǵdaıtyn ánderi shyrqalyp, derekti jáne kórkem fılmder kórsetiletin bolady.
Nurjan Muhamedjanova, Almaty TV bas dırektory
"Telearna efırinde dárigerler kúni erekshe túrde atap ótýdi josparlap otyrmyz. Álemde aq halatty abzal jandardyń janqııarlyq eńbegine bas ıip, qoshemet kórsetý osy bir pandemııa kezinde aıqyn kórinýde ekendigi sózsiz. Indetpen kúres bizge naǵyz batyrlar men juldyzdardy kórsetti. Karantın bastalǵaly beri telearna ujymy únemi medısınalyq qyzmetkerlerdiń COVID-19-ben kúrestegi kásibı qyzmetterin kórermender úshin túsinikti ári shynaıy deńgeıde kórsetýdi maqsat etti. Biz olardyń batyl eńbeginiń kýási boldyq. "Shyn júrekten" aksııasy – bul barlyq almatylyqtardyń jáne qazaqstandyqtardyń atynan dárigerlerge alǵys bildirý".
Almaty TV telearnasynyń barlyq kórermenderin medısına qyzmetkerlerine rızashylyǵymyzdy bildirip, alǵys aıtýǵa shaqyramyz. Barlyq merekelik efırdiń basty keıipkeri dárigerler bolady. 20 maýsymnyń tańynan bastap, 21 maýsym saǵat 22:00 deıin qyzyqty baǵdarlamalar, konsertter, derekti fılmder men rolıkter bolady.
"Chestno s Ponomarevym" baǵdarlamasynda "Qazaq onkologııa men radıologııa ǵylymı-zertteý ınstıtýtynyń" dırektory Dılıara Qaıdarovamen 20 maýsym kúni saǵat 10:20 onkologııa taqyrybynda áńgime qozǵaımyz. Atalmysh baǵdarlamanyń jeksenbi kúngi kezekti qonaǵy – mıkrobıolog Baqyt Ramazanova kásibı jaıynda baıandaıdy. 21 maýsymda Aqberen Elgezek óziniń "Shynaıy Aqberenmen" baǵdarlamasynda vırýsolog Aıdyn Qydyrbaevpen elimizde oryn alyp jatqan pandemııa jaıynda suhbattasady.
Jeksenbi kúni saǵat 18:30 "Sheshimi bar" tok-shoýynda koronavırýspen kúreske qatysyp, qıyn sátte kómek qolyn sozǵandarǵa qurmet kórsetiledi. Noel Shaıahmetov "Nash mılyı doktor" fılminiń túsirilimi men akter Iýrıı Pomeransev, ánshi Bıbigúl Tólegenova jaıynda áńgime órbitedi (senbi 20 maýsym. 11:35). Sonymen qatar, "Almatınskıe ıstorıı" arnaıy shyǵarylymynda aty ańyzǵa aınalǵan professor Salıma Balmahanovany kóre alasyzdar (jeksenbi 21 maýsym, 11:00). 20 maýsymda saǵat 14:00 almatylyq dárigerlerdiń eń súıikti ánderi "Bári biledi" baǵdarlamasynda shyrqalady. Jańalyqtardyń arnaıy shyǵarylymy senbi kúni 19:30 bolsa, qaıtalýy jeksenbiniń tańynda bolady. Kóterińki kóńil kúı úshin 20 maýsym kúni 17:00, jeksenbi kúni saǵat 13:40 pen 22:00 merekelik konsertterdi tamashalaısyzdar.
Almaty qalasynyń ftızıopýlmonologııa ortalyǵynda, I.Jekenova atyndaǵy qalalyq klınıkalyq juqpaly aýrýlar aýrýhanasynda, Almaty qalalyq balalar juqpaly aýrýlar aýrýhanasynda túsirilgen "qaýipti" aımaqtyń biregeı kadrlary, birinshi kúnnen bastap koronavırýspen kúresip jatqan dárigerler, úsh aı boıy óz otbasylarynan oqshaýlanǵan dárigerlerdiń áńgimeleri "Almaty TV" "Almaty dárigerleri koronavırýspen betpe bet" (21 maýsym saǵat 6:00) jáne "COVID-19. Boı s tenıý" arnaıy jobalarynda (jeksenbi 21 maýsym 15:40).
Ataýly kúnge oraı, "Almaty TV" telearnasynda "19.03-19.06" derekti fılminiń tusaýkeseri ótedi. Fılmniń túsirilimi karantın bastalǵan kúnnen bastap, 19 maýsymǵa deıin júrgizildi.
Oǵan qosa, "Dárigerlerge myń alǵys!" aksııasyna jáne alǵys sózderge shoý-bıznes ókilderi, qoǵam qaıratkerleri men qazaqstandyqtar da qosylady. Telearnanyń arnaıy jobasy aıasynda kórermenderdiń ózderin emdegen dárigerlerine aıtqan alǵystarynan jınaqtalǵan vıdeorolık bir aıǵa jýyq ýaqyttan beri efırde kórsetilip keledi. Jaǵymdy emosııalar, ádemi ánder, súıikti ártister, qyzyqty sıýjetter men tilekter barlyq qazaqstandyqtardyń súıikti "Nash mılyı doktor" fılmi,dárigerler týraly "Serdsebıenıe" úzdik telehıkaıasy men konsertter toptamasy da kórermenderdiń nazaryna usynylady.
