Jalpy jospar boıynsha 494 nysan zararsyzdandyrylady, olar:
Alataý aýdanyndaǵy 8 bazar, 11 saýda ortalyǵy, 4 skver;
Almaly aýdanyndaǵy 6 bazar, 29 saýda ortalyǵy, 47 sport nysany jáne fıtnes ortalyqtar, 1 saıabaq , 22 skver, 5 býlvar, 17 jasyl aımaq;
Áýezov aýdanyndaǵy 4 bazar, 32 saýda ortalyǵy, 30 fıtnes ortalyq, 1 saıabaq, 3 skver jáne 1 býlvar;
Bostandyq aýdanyndaǵy 31 saýda ortalyǵy, 59 sport nysany jáne fıtnes ortalyqtar, 4 saıabaq, 3 skver, 4 býlvar, 3 jaǵajaı;
Jetisý aýdanyndaǵy 16 bazar, 15 saýda ortalyǵy, 15 fıtnes ortalyq, 1 saıabaq;
Medeý aýdanyndaǵy 2 bazar, 19 saýda ortalyǵy, 31 fıtnes ortalyq, 2 saıabaq, 1 skver;
Naýryzbaı aýdanyndaǵy 3 bazar, 2 saýda ortalyǵy, 3 fıtnes ortalyq, 2 saıabaq, 1 skver;
Túrksib aýdanyndaǵy 6 bazar, 7 saýda ortalyǵy, 10 fıtnes ortalyq, 3 saıabaq, 11 skver, 1 jaǵajaı.
"Almaty Tazalyq" MKK jáne aýdandardyń merdigerlik uıymdarynyń kúshimen kóshelerge, saıabaqtar men skverlerge, trotýarlarǵa, kóshe ýrnalary men oryndyqtarǵa, aıaldamalarǵa, bankomattarǵa, termınaldarǵa, jer asty jáne jer ústi ótpeli joldarǵa keń kólemdi dezınfeksııa júrgiziletin bolady. Osynshama aýqymdy zararsyzdandyrý jumystaryna 70 tehnıka birligi jáne 150 adam jumyldyrylady. Dezınfeksııalyq óńdeý úshin adamdar men janýarlarǵa eshqandaı qaýip tóndirmeıtin 4-shi klasty qaýipsiz preparattar qoldanylady.
Saýda jáne qyzmet kórsetý oryndaryn dezınfeksııalaýdy menshik ıeleri ózderi júrgizedi. Dezınfeksııalaý jumystary 20-21 maýsymda tańǵy saǵat 8.00 den 18.00-ge deıin júrgiziledi.
