"Dáriger mamandyǵy Gıppokrat antyna adaldyq pen bilim ǵana emes, sheksiz shydamdylyq, tózimdilik, sezimtaldyq jáne rýhanı jomarttyq talap etedi. Adamzattyń eń basty qundylyǵy - ómir men densaýlyq kúzetinde júrgen medısına qyzmetkerlerin kásibı merekemen quttyqtaımyz! Sizder eń qıyn sátterde joǵary kásibılik pen jaýapkershilik, janashyrlyq pen meıirimdilik tanytyp júrsizder! Biz Sizderge bas ıemiz!" dedi Ǵaısa Qapaqov quttyqtaý sózinde.
Ashyq aspan astynda ótken konserttik baǵdarlama barysynda oraldyq kásipker Elena Ýlanova 1500 tal orhıdeıa gúlin dárigerlerge tegin taratty. Qushaǵy gúlge, kóńili án men kúıge tolǵan aq jeleńdi abzal jandar ózderine kórsetilgen syı-qurmetke rıza bolǵannan kózderine jas alyp ta jatty. Medısına qyzmetkerleri aldynda Qazaqstan halqy Assambleıasy óńirlik etnomádenı birlestikteriniń ókilderi sóz sóıledi. О́nerpazdar dárigerlerge arnalǵan ánderdi tartý etti. Bul kúni kóp jylǵy eńbegimen elge tanylǵan medısına qyzmetkerlerine alǵys hattar, baǵaly syılyqtar tabys etildi.
Sýretti túsirgen: Rafhat HALELOV
Batys Qazaqstan oblysy
