"Test degenimiz, — eki ushy bar taıaq sekildi degen Aq úı basshysy Oklahomadaǵy mıtıng kezinde sóılegen sózinde. — Munyń bir jaman jaǵy testileý neǵurlym keń kólemdi júrgizilse, naýqastar qatary da kóbeıe beredi. Sondyqtan men óz adamdarymnan test jóninde azdap tormoz berýdi suradym", - dedi ol.
Telarnanyń pikirinshe, Tramp bul jerde tym ashylyp ketip otyr. О́ıtkeni AQSh-ta koronavırýstan 120 myńǵa jýyq adam qaıtys bolyp otyrǵan tusta bulaı deýdiń jóni qalaı bolady eken?! Al medısınalyq sarapshylardyń málimdeýinshe, vırýsty baqylaýda ustaý men onyń taralýyn shekteýde testileý sheshýshi mańyzǵa ıe bolýda.
Tramp ákimshiliginiń ókili telearnany bul prezıdenttiń kezekti qaljyńy ekenine sendirip baqqan. Biraq telearnanyń deregi boıynsha Tramtyń basty saıası básekelesi Djo Baıdenniń saılaýaldy shtaby prezıdenttiń osy sózinen upaı túgendeý máselesine kirisip ketkenge uqsaıdy. Olar prezıdenttin dál osy sózin óz jarnamalarynyń arasyna kóbirek qystyrýda.
Prezıdent mıtıngidegi sózinde saıası básekelesi D.Baıdendi de umytpaǵan. Qazirgi shýǵa aınalyp turǵan júıeli rasızm máselesine kóp tereńdep barmaı, tek qarsylasyn bir muqatyp qalý maǵynasynda: "Djo Baıden qoǵamdyq ómirden ketken kezde ǵana násildik ádilettik bastalady. Endi bes aıdan keıin biz uıqyly-oıaý Djo Baıdendi jeńetin bolamyz" degen.
