Dene qyzýy kóterilip, jıi mazasyzdana bastaǵanan soń aıtýly azamat ótken aptada Baǵdattaǵy aýrýhanalardyń birinde test tapsyrdy. Sol kezde onyń koronavırýske shaldyqqany anyqtaldy. 18 maýsymda syrqattyń beti qaıtqandaı bolyp, Ahmet úıine qaıtty. Alaıda birneshe saǵattan keıin ataqty fýtbolshynyń densaýlyǵy kúrt nasharlap, ol qaıta aýrýhanǵa jetkizildi. Sol jerde Ahmet jan tásilim etti.
1964 jyly Iraktyń Samarra qalasynda dúnıege kelgen Ahmed Radı óz elindegi túrli klýbtarda jáne Katardyń "Ál-Vakrasynda" óner kórsetti. Amplýasy – shabýylshy. 1983-97 jyldar aralǵynyda Irak ulttyq quramasynyń namysyn qorǵady. Sol aralyqta 73 ret jasyl alańǵa shyǵyp, 42 márte nysanany dál kózdedi.
1986 jyly Meksıkada ótken álem chempıonatynda Irak fýtbolshylary bir ǵana gol soqqany jankúıerlerdiń jadynda. Sol goldyń avtory dál osy Radı edi. Ol toptyq týrnırde Jan-Marı Pfaff qorǵaǵan Belgııa quramasynyń qaqpasynan sańlaý tapty. Sondaı-aq, Ahmed 1988 jyly Seýl Olımpıadasyna qatysty. Sol jyly ol qurlyqtyń jyl oıynshysy atandy. HH ǵasyrdaǵy Azııanyń eń úzdik fýtbolshylary tiziminde Ahmed Radı toǵyzynshy orynǵa taban tiredi.
