Úkimet basshysy A. Soıdyń medısına jáne basqarý salasyndaǵy úlken jumys tájirıbesin atap ótti. Ol mınıstr E. Birtanov emdelip shyqqansha densaýlyq saqtaý mınıstriniń mindetin atqarady.
A. Mamın koronavırýs pandemııasymen kúres jaǵdaıynda halyq densaýlyǵyn saqtaý boıynsha densaýlyq saqtaý júıesiniń aldynda turǵan mindetterdi sheshýdiń mańyzdylyǵyn atap ótti.
Alekseı Vladımırovıch Soı 1977 jyly 2 sáýirde Ońtústik Qazaqstan oblysynda dúnıege kelgen. Sells College (London), Qazaqstan memlekettik medısına akademııasynyń aspırantýrasyn, Ońtústik Qazaqstan memlekettik medısına akademııasyn, "Dáneker" halyqaralyq quqyq jáne halyqaralyq bıznes ınstıtýtyn, RF Prezıdenti janyndaǵy Reseı halyq sharýashylyǵy jáne memlekettik qyzmet akademııasynyń korporatıvtik basqarý joǵary mektebin támamdaǵan. Stenford ýnıversıtetinde (AQSh), Sıngapýrda, Máskeýde, Germanııada, Ulybrıtanııada jáne t. b. elderde taǵylymdamadan ótken. Iskerlik ákimshilik doktory, medısına ǵylymdarynyń kandıdaty.
Hırýrg-endoskopıst bolyp jumys istegen, Qalpyna keltirý hırýrgııasy jáne transplantologııa ortalyǵynyń aǵa ǵylymı qyzmetkeri, Ulttyq ǵylymı medısına ortalyǵynyń ishki medısına ortalyǵynyń jetekshi ǵylymı qyzmetkeri, "Eýroazıattyq respıratorlyq qoǵam" qoǵamdyq birlestiginiń bas hatshysy, QR Prezıdenti Is basqarmasynyń Zamanaýı medısınalyq tehnologııalardy engizý ortalyǵynyń dırektory, QR Prezıdenti Is basqarmasynyń Medısınalyq ortalyǵynyń basshysy, Astana qalasynyń №1 qalalyq aýrýhanasynyń bas dárigeri, QR densaýlyq saqtaý jáne áleýmettik damý vıse-mınıstri, Densaýlyq saqtaý vıse-mınıstri qyzmetterin atqarǵan.
2019 jylǵy aqpannan bastap osy ýaqytqa deıin Qazaqstan Respýblıkasy Prezıdenti Is basqarmasynyń Medısınalyq ortalyǵyn basqardy.
