– 2019 jyly bank júıesindegi depozıtter 2,5 paıyzǵa kóbeıip, 19 trln teńgege jetti. Buǵan qosa ulttyq valıýtadaǵy salymdardyń mólsheri 13,1 paıyzǵa ósip, 10,8 trln teńge boldy. Buǵan teńgemen beriletin stavkalardyń joǵarylyǵy, sonymen birge aıyrbas baǵamynyń turaqtylyǵy sebep bolyp otyr. Al sheteldik valıýtamen jınalǵan depozıt mólsheri 8,7 paıyzǵa azaıyp, 8,2 trln teńgeni qurady. Sonyń arqasynda depozıtterdiń dollarlanýy 43,1 paıyzǵa tómendedi. Bir jyl buryn bul baǵyttaǵy kórsetkish 48,4 paıyz bolǵan edi, – dedi Aqyljan Baımaǵambetov.
Ulttyq bank tóraǵasynyń orynbasary elde uzaqmerzimdi nesıeler 6,5 paıyzǵa ósip, 11,8 trln teńgege jetkenin, al qysqamerzimdi nesıeler 2,7 paıyzdyq ósimdi kórsetip, 2 trln teńgege jetkenin aıtty.
Bir aıta keterligi, sońǵy bes jylda el ekonomıkasyndaǵy bankterdiń róli tómendep bara jatqany baıqalady. Memleket tarapynan qarjylaı kómek sharalary jasalǵanyna qaramastan, IJО́-degi bankterdiń aktıvteri 40 paıyzǵa deıin kemigen. Kerisinshe, problemalyq qaryzdardyń kólemi ulǵaıyp bara jatyr. Bankterdiń tarapynan bıznes úshin qoljetimdi qarajat usyný tetikteri jetildirýdi qajet etedi.
