Jıyn barysynda Jumabek Bekenov elimizdegi sımptomdy jáne sımptomsyz naýqastar sany 27 myńnan asqanyn atap ótti.
«Qazirgi tańda elimizde 27 541 COVID-19 jaǵdaıy tirkelip otyr. Onyń sımptomsyz túri – 9 809 adamda, sımptomdy túri – 17 732 adamda. Sońǵy táýlikte 1 471 aýrý tirkeldi, onyń 507-i – sımptommen, 964-i – sımptomsyz. Qaıtys bolǵandar sany – 126 naýqas. 10 962 adam nemese aýyrǵandardyń 62 paıyzy syrqattan jazylyp shyqty. Elimizdiń barlyq stasıonarlyq karantıninde – 1 868 adam, úı karantıninde – 11 563 adam jatyr. COVID-19-ben aýyryp, aýrýhanada jatqan naýqastar sany – 8 052, KVI juqtyryp, ambýlatorııalyq baqylaýda 8 472 adam tur», dedi J.Bekenov.
Sáýle Qısyqova elordadaǵy epıdemııalyq jaǵdaıǵa toqtalyp, medısınalyq uıymdardaǵy kereýetterdiń qosymsha sanyn qaıta qarastyrý arqyly 825-ke deıin jetkenin aıtty.
«Búginde qalada 3348 koronavırýs ınfeksııasy tirkeldi, sonyń ishinde ótken aptada 587 jaǵdaı tirkelgen edi. Bul aldyńǵy aptaǵa qaraǵanda 21 paıyzǵa kóp. Kúndelikti ósim – 3 paıyz. 2291 naýqas jazylyp shyqty. Búgingi kúni aýrýhanada 2600 naýqas jatyr. Aldyńǵy aptamen salystyrǵanda 3 esege ósken. Onyń ishinde pnevmonııamen aýyratyndardyń sany 92 paıyzdy quraıdy. Búginde aýrýhanadaǵy 126 emdelýshiniń jaǵdaıy turaqty. 50 naýqas nemese 40 paıyz ókpe jasandy jeldetý apparatyna qosylǵan. 12 maýsymnan bastap medısınalyq uıymdardaǵy kereýetterdiń qosymsha sany qaıta qarastyrý arqyly 825-ke deıin jetti. Tósek oryn 53 paıyzǵa deıin ulǵaıtyldy. Aıta ketetin taǵy bir jaıt, elordada jedel járdem bazasyndaǵy koll-ortalyqqa júginýshiler sany kúrt ósti. Koll-ortalyqqa habarlasatyndar sany 3-4 esege deıin artty. О́tken táýlikte 3 800 qońyraý tirkelip, 2 728 adamǵa qyzmet kórsetildi. Munda da 2,5 ese ósim baıqalady. Infeksııalyq jáne provızorlyq stasıonarlardy ottegi konsentrattarymen jáne ózge de medısınalyq quraldarmen jabdyqtaý jumystary júrip jatyr. Barlyq medısınalyq uıymdar jeke qorǵanys quraldarymen qamtamasyz etilgen. Dárilik preparattar da jetkilikti kólemde bar», dedi C. Qısyqova.
Sonymen birge ol qalanyń sanıtarlyq dárigeriniń sheshimine sáıkes, 23 maýsymda Nur-Sultan qalasynda barlyq balabaqshanyń jumysy menshik nysanyna qaramastan (memlekettik jáne jekemenshik) jáne emhanalardaǵy naýqastardy josparly qabyldaý men qaraý toqtatylatynyn tilge tıek etti.
«Onyń ishinde eresekter men balalardy profılaktıkalyq qabyldaý, skrınıngter, josparly stomatologııalyq, ońaltý qyzmetteri, densaýlyq mektebi, medısınalyq-áleýmettik qoldaý, MÁS qujat rásimdeý, kúndizgi bólimniń jumysy, josparly túrde aýrýhanaǵa jatqyzýǵa joldama berý, táýlik boıǵy jáne kúndizdi stasıonar bar. Mamandardyń josparly konsýltasııalyq kómek kórsetýi onlaın formatqa aýystyrylady. Dıspanserlik tirkeýde turǵan azamattarǵa qajetti resept onlaın berilip, dári-dármek úıge deıin jetkizilip beriledi. Halyqty vaksınasııalaý ekpeniń ulttyq kúntizbesi boıynsha josparly túrde júrgiziledi. Júkti áıelderdi qabyldaý, ÝDZ skrınıng júrgizý shtattyq rejimde qalady», dedi S.Qısyqova.
