Qaterge basyn tikse de...

...Oqys oqıǵa bıylǵy 4 qań­tarda boldy. Sol kúni eki po­lısııa qyzmetkeri birge kezek­shi­likte bolatyn. Keshki saǵat 19:40-ta kezekshi bóliminen Ja­ıyq ózenine tórt balanyń sýǵa batqany jóninde shuǵyl habar tústi. Olar dereý qyzmettik kó­li­­g­imen Jaıyq ózeniniń jaǵa­sy­na jetti. Keshki mezgil bol­ǵan­­dyq­tan, aınalany qarań­ǵy­lyq tum­sha­la­ǵan. Onyń ústine aspan men jerdiń arasyn qalyń tuman búrkep turdy. О́zen ús­ti­nen esh­te­ńe kórinbeıdi. Tek bala­lar­dyń «Qu­t­qaryńdar» degen jan daýsy ǵana úzilip estiledi.

– Daýys shyqqan jaqqa baǵyt aldyq. Tez jetkimiz-aq keledi. Biraq muzdyń ústimen júgirýge bol­maıdy. О́ıtkeni juqa muz oıy­lyp ketýi múmkin. Sol sebep­ten, muz ústimen eńbektep jú­rý­ge týra keldi, dep eske alady sol kúngi oqıǵany Qýandyq Sú­ıin­dikov. – Balalar muz ús­tin­de oınap júrip, jaǵadan 15 metrge deıin alystaǵan. Juqa muz oıylyp, tórteýi de sýǵa túsip ketken. Bireýi 102 nómirine tele­fon shalyp, habar beripti. Balalardyń bireýi óz betimen muz ústine shyǵyp úlgergen. Al bireýi sýǵa batyp, ony qutqarýǵa úlgere almadyq.

Polısııa qyzmetkerleri ba­la­lar­dyń daýysy shyqqan tus­qa kelgende, muzdan eki bala­nyń basy kórinip turdy. Biraq ba­lalarǵa ekeýi birdeı ja­qyn­daı almady. Sebebi olar­dyń sal­maǵymen muz odan saıyn oıy­lyp ketýi múmkin edi. Son­dyqtan Tımýr Qýandyqtyń aıaǵy­nan ustap, al ol balalarǵa qolyn sozdy. Áýeli bireýin, keıin ekinshisin sýdan shyǵaryp aldy. 

– Qaýip-qaterge bas tiktik. Biraq sol sátte balalardy qutqarýdan basqa eshteńe oılap úlgermedim. Keıin Tımýr­­dan da suradym. Ol da tek bala­lardy qutqarýdy oılapty. О́ıtkeni biz polısııa qyzmetkerlerimiz ǵoı. Kez kelgen ýaqytta kómek berýge daıyn bolýymyz kerek. Bul – bizdiń mindetimiz, – deıdi polısııa ka­pı­­tany Qýandyq Súıindikov.

Qoǵamdyq tártip kúzetshisi bolý – ekeýiniń de bala kúnnen bergi armany. Sondyqtan Qýan­dyq Súıindikov 2014 jyly osy salaǵa jumysqa ornalasyp, sodan beri polısııa qatarynda qyz­met atqaryp júr. Al, áriptesi Tımýr Balmaǵanbetov bul salaǵa 2018 jyly keldi.

– Bizdi beıbit kúnde erlik jas­aǵan ba­tyr dep jatady. Shyn máninde biz er­likke jatqy­zatyndaı erekshe áreket jasa­­ǵan joqpyz ǵoı. Bizdiń ornymyzda ózge adamdar bolsa, solar da biz sekildi áre­ket eter edi, – deıdi Qýandyq pen Tımýr.

Atyraý oblysy