Búgin qazaqstandyq tártip saqshylary kásibı mereke – Polısııa kúnin atap ótýde.
1992 jylǵy 23 maýsymda Joǵarǵy keńes “Qazaqstan Respýblıkasynyń Ishki ister organdary týraly” zań qabyldady, ol bizdiń memleketimizdiń tarıhynda polısııanyń mindetteri men fýnksııalaryn, onyń quqyqtary men fýnksııalaryn anyqtaǵan, polısııanyń praktıkalyq qyzmeti úshin quqyqtyq alańdy qalyptastyrǵan alǵashqy akt boldy. Ishki ister organdary qyzmetiniń negizgi qaǵıdattary retinde zań jarııalylyqty, zańdylyqty jáne eń bastysy azamattardyń quqyqtaryn qurmetteý men saqtaýdy bekitti.
Búginde ishki ister mınıstrligi – eldegi eń kópfýnksıonaldy memlekettik organdardyń biri, onda 140 myńǵa jýyq qyzmetker, qutqarýshylar men áskerı qyzmetshiler eńbek etedi.
Kún saıyn ishki ister organdarynyń qyzmetkerleri men áskerı qyzmetshileri daǵdarys jaǵdaıyna tap bolǵan adamdarǵa kómekke keledi, qylmystardy ashyp, qoǵamdyq tártipti qorǵaıdy.
Ishki ister organdary qyzmetkerleriniń qaısarlyǵy men erligin el basshylyǵy árdaıym joǵary baǵalaıdy. Tek bıyl Memleket basshysynyń Jarlyǵymen 94 qyzmetker memlekettik nagradalarmen marapattaldy. Ishki ister organdarynyń 2757 qyzmetkeri, onyń ishinde karantındik is-sharalar kezinde kózge túskender vedomstvolyq nagradalarmen marapattaldy.
"Polısııa qyzmetkerlerine úlken jaýapkershilik júkteledi. Bul qazaqstandyqtardyń tynyshtyǵy men qaýipsizdigin, sondaı-aq kóshelerdegi tártipti qamtamasyz etý. Ol úshin bizde barlyǵy: táýelsizdik jyldary Ult Kóshbasshysy Nursultan Ábishuly Nazarbaev qalyptastyrǵan qýatty memlekettik júıe, sondaı-aq bizdiń Prezıdentimiz Qasym-Jomart Kemeluly Toqaevtyń jan-jaqty qoldaýy bar. Ishki ister organdaryn materıaldyq-tehnıkalyq jaraqtandyrý jaqsardy. Qazirgi zamanǵy quraldar men tehnıkany paıdalana otyryp, polısııa mobıldi qurylymǵa aınaldy. Bul qylmyspen tıimdi kúresýge múmkindik beredi. Búgingi tańdaǵy bizdiń basty mindetimiz – quqyq buzýshylyqtyń aldyn alý. Bul baǵyttaǵy jumystardyń nátıjesi kózge anyq kórine bastady", dep atap ótti Ishki ister mınıstri Erlan Turǵymbaev áriptesteri men ardagerlerge arnaǵan óz quttyqtaýynda.
"Polısııa qyzmetkerleri kún saıyn óz ómirin oılanbastan qaterge tigip, qıyn jaǵdaıǵa tap bolǵan otandastaryna kómekke keledi dep atap ótti vedomstvo basshysy. О́kinishke qaraı, Táýelsizdik jyldary qyzmettik boryshyn atqarý kezinde 791 qyzmetker qaza taýyp, 2555 adam jaraqat aldy. Biz antyna adal bolyp qalǵan áriptesterimizdi eshqashan umytpaımyz", dep túıindedi ol quttyqtaý sózinde.
Ishki ister organdarynyń dástúrleri ondaǵan jyldar boıy qalyptasqan. Sondyqtan da bul kúni el úshin kóp eńbek sińirgen jáne jas qyzmetkerlerdi tárbıeleýge úles qosyp júrgen ardagerlerdi árdaıym úlken iltıpatpen atap ótýge tıispiz.
Erlan Turǵynbaev budan ári ishki ister organdary qyzmetkerleriniń otbasy múshelerin quttyqtap, olarǵa myqty densaýlyq pen baqyt tiledi.
