Memlekettik qyzmetshiniń tártibin qaraıdy

– Qoldanystaǵy zańnamaǵa sáıkes, memlekettik qyzmet­shiler­diń moraldyq-ádeptilik beıne­sine qoıylatyn jalpy qabyl­dan­ǵan talaptar men olardyń minez-qulqynyń negizgi standart­tary belgilengen. Bul rette Ádep keńesi mem­le­kettik qyzmetshilerdiń qyzmet­tik ádepti saqtaýdaǵy jaýapker­shilik deńgeıin arttyrýdy, ádep jónin­degi ýákil­­derdiń qyz­metin úıles­tirý­di qamtamasyz etedi. Ádep keńesi otyrystarynda tár­tiptik isterden bólek, memlekettik organdardyń mem­lekettik qyzmet jáne sybaılas jemqorlyqqa qar­sy is-qı­myl týraly zańnamany buzý­shy­lyqtarynyń aldyn alý ju­my­synyń qorytyndylary, ádep jónindegi ýákilder qyzmeti, mem­­le­ket­tik organdardyń tártip­tik komıssııa­larynyń jumys ná­tı­­­jeleri qaralýda, – deıdi Mem­­­le­ket­tik qyzmet isteri agent­tigi Túrkistan oblysy boıynsha depar­­ta­­mentiniń basshysy, Ádep jónindegi keńes tóraǵasy Aıbek Shilmanov.

Osy qaǵıdaǵa sáıkes, keńes alańy memlekettik qyzmetshiniń tár­tip­tik isin qarap qana qoı­maı, sonymen qatar olardyń qu­qyq­taryn qorǵaý boıynsha tıisti sharalar qabyldaıdy. Má­se­len, 2020 jyly keńeste qaralǵ­an 29 tártiptik istiń jartysy­na jýyǵy (dáliregi 48 paıyzy) dá­lelin tappaýyna baılanys­ty qys­qartylǵan. «Iаǵnı birqatar mem­lekettik organdardan laýazymdy tulǵalarǵa qatysty túsken usynýlardy muqııat zer­delep, tergep-tekserip, tıisti ýáki­letti organdardyń qorytyn­dy­sy nátıjesinde negizgi memle­ket­tik qyzmetshilerdiń kinási anyq­tal­maǵandyqtan, Ádep jónin­degi keńes músheleriniń sheshimi­men tártiptik ister toqtaty­lyp, memlekettik qyzmetshi­ler­diń quqyqtary qorǵalýda. Bul óz kezeginde, qarapaıym halyq­pen qatar, memlekettik qyzmet­shi­lerdiń de Ádep jónindegi keńeske degen senimdiligin arttyryp, odan ári sapaly jumys isteýine óz septigin tıgizedi», deıdi departament basshysy.

Bıyl Túrkistan oblystyq Ádep keńesinde mekemede karta oınaǵan, karantınniń kezinde dostarymen balyq aýlaýǵa baryp, týǵan kún toılaǵan, saý­naǵa túsken birqatar laýazym­dy tulǵalardyń tártiptik is­teri qaraldy. Jasyratyny joq, qoǵamda bul týraly túrli pi­kir aıtyldy. Alaıda Aıbek Aq­bergenuly talap bárine ortaq deıdi. «Memlekettik qyzmetshi halyq­tyń, eldiń aldyndaǵy tulǵa bolǵandyqtan, ár aıtqan sózi men is-qımylyn halyq jiti baqylap otyrady, kóńil tarazysynan ót­kizedi. Sondaı-aq qarapaıym jurt­­shylyqpen salystyrǵanda mem­­­lekettik qyzmetshilerge zań­­­­na­­ma­men tıisti shekteýler be­ki­­tilgen. Atap aıtqanda, mem­­lekettik qyzmet týraly zań­nama aıasynda memlekettik qyz­met­ke qabyldaný kezinde azamattar ózderiniń laýazymdyq óki­let­tik­terin jáne soǵan negizdelgen bede­lin jeke basynyń, toptyq jáne ózge de qyzmettik emes múd­­de­lerde paıdalanýǵa alyp kelýi múm­kin áreketterdi bol­ǵyz­­baý maq­satynda ózine zań­da belgi­len­gen shekteýlerdi qabyl­­daıdy. Sony­men qatar mem­l­eket­tik qyzmetshi tıisti ant qabyl­dap, Ádep kodeksiniń máti­nimen jazbasha nysanda tanystyrylady. Son­dyqtan memlekettik qyz­met­shiler zańnama talaptaryna sáıkes, ózderiniń qyzmettik min­­detterin oryndaýy qajet, sáı­ke­sinshe oryndamaǵan jaǵ­daıda tıisti jaýaptylyq­ta bolatyny belgilengen. Máse­len, bıyl pandemııaǵa baıla­nysty, elimizdegi tótenshe jaǵdaı kezin­de óńirdegi birqatar laýazymdy tulǵalar tarapy­nan karantındik rejimdi saqta­maı, ataýly is-sharalarǵa qatys­qany týraly foto jáne beınejazbalar áleýmettik jeliler­ge keńinen taralǵan bola­tyn. Osynyń saldarynan óz­deri­niń is-áreketterimen qoǵam tara­pynan aıtylatyn synǵa sebepker bolǵany anyqtalyp, Ádep jónin­degi keńeste olardyń tıisti jaýap­kershiligi qaraldy. Bul rette keńestiń negizgi maqsaty – mem­lekettik qyzmetshiniń qyz­mettik ádepti saqtaýdaǵy jaýap­kershilik deńgeıin arttyrý, sáıkesinshe tártiptik jaýap­kershilikke tartý­daǵy negizgi fılosofııasy da bo­la­shaqta osy teris qylyqty qaı­talap jasamaý», deıdi Ádep keńe­siniń tóraǵasy.

Túrkistan oblysy