Ázerbaıjannyń bıleýshi partııasy Ilham Álıevtiń prezıdent saılaýynda aldyn ala esep boıynsha aıqyn jeńiske jetýine baılanysty toıdy bastap ketti. Bul týraly Trend basylymynyń tilshisi habarlady.
«Búgin Ázerbaıjan halqy jeńiske jetti», - dedi bıleýshi «Enı Ázerbaıjan» partııasy shtab-páteriniń aldynda tóraǵanyń orynbasary – partııanyń atqarýshy hatshysy Álı Ahmedov osy partııanyń kandıdaty, qazirgi is basyndaǵy Prezıdent Ilham Álıevtiń jeńiske jetýine baılanysty uıymdastyrylǵan konserttiń barysynda.
«Ázerbaıjan halqy Ilham Álıevti jeńimpaz etip shyǵaryp, óziniń keleshegi úshin daýys berdi», - dedi Ahmedov.
«Osy arqyly ázerbaıjan halqy taǵy da damý jolyn tańdady», - degendi qosty Álı Ahmedov.
Al konsertke deıin motosıklısterdiń jarysy boldy.
Aıta keteıik, exit poll málimeti boıynsha, bıleýshi «Enı Ázerbaıjan» partııasynyń kandıdaty, is basyndaǵy Memleket basshysy Ilham Álıev búgingi saılaýda úlken aıyrmashylyqpen jeńip shyqty.
Sáken Maılybaı.
Sýrette: erli-zaıypty Ilham Álıev pen Mehrıban Álıeva qazir ǵana saılaýda daýys berip shyqty.
