Oblysta epıdemıologııalyq ahýal kúrt quldyrap barady. Resmı málimet boıynsha, sońǵy 20 kúnniń ishinde 629 adam indet juqtyrǵan. Onyń 369-y sımptomdy koronavırýsqa shaldyqqan, al260 adam indettiń klınıkalyq belgileri joq túrin juqtyryp, "vırýs taratýshylar" sanatyna qosylyp otyr. Aımaqta búginge deıin 192 naýqas dertinen aıyǵyp, 3 adam kóz jumdy.
Indettiń etek alyp ketpeýin qamtamasyz etý úshin oblysta 346 oryndyq provızorlyq bólimsheler, sondaı-aq 713 karantındik gospıtaldar jumys isteýde. Buǵan 292 oryndyq ınfeksııalyq bólimerdi qosyńyz.
"Oblysta qazir 190 jasandy tynys alý qurylǵysy bar. Jýyrda ǵana oblys aýrýhanasyna osyndaı 5 jańa apparat ákelindi. Maýsym-shilde aılarynda qosymsha 60 shaqty apparat kelmek. Onyń 35-i – stasıonarlyq, 25-i – jedel medısınalyq kómek kezinde qoldanýǵa arnalǵan" - dedi M.Júndibaev.
Búginde "Ulttyq saraptama ortalyǵynyń" oblystyq fılıalynda 3 zerthana jáne "Olımp" klınıkalyq-dıagnostıkalyq zerthanasy úzdiksizjumys isteýde. Bul zerthanalarda táýligine 1600-gedeıin taldaý júrgiziledi.
Taǵy bir asa mańyzdy másele – qoǵamdyq nysandardaǵy sanıtarlyq talaptar saqtalmaı otyr. "Shekteý sharalaryna qaramastan kafelermen meıramhanalarda banketter, úılený toılary, merekelik keshter tolastar emes. Qaladaǵy 2 balabaqshada eki qyzmetshiniń indet juqtyrǵany anyqtaldy. Osylarǵa baılanysty karantın sharalaryn kúsheıtý qolǵa alynyp otyr. 23 maýsymda balabaqshalardyń, sport keshenderiniń, qoǵamdyq tamaqtaný nysandarynyń qyzmetine tyıym salyndy. Munyń syrtynda 27-28 maýsymda Qostanaı, Rýdnyı, Jitiqara, Lısakov, Arqalyq, Tobyl qalalarynda lokdaýn rejımi ornaıdy.
Lokdaýn rejimi engizilgen qala turǵyndarynaúıden jumys úshin, em alýǵa,dári-dármek, azyq-túlik, qoqys tógýge, jeke kólikpen saıajaıǵa barýǵa ǵana ruqsat etiledi. Oıyn-saýyq jáne saýda nysandary, bazarlar, saıabaqtar jabylyp, qoǵamdyq kólikter toqtaıdy. "Ár azamattyń jaýapkershiligi eldegi jaǵdaıdy túzeýge kómegin tıgizedi. Sondyqtan, usynylǵan sharalardy saqtaı otyryp, ózińizdi jáne jaqyndaryńyzdy indettenqorǵaýǵa atsalsyńyzdar", -dedi M.Júndibaev.
Qostanaı oblysy
