Aımaqtar • 25 Maýsym, 2020

UBT talabyn jıi buzýdyń tórkini qaıdan?!

256 ret kórsetildi

Ulttyq biryńǵaı testileý bastalǵaly 21-24 maýsym aralyǵynda 1114 mektep bitirýshi synaq tapsyryp úlgerdi. Bıylǵy testileýdiń qatań talaptaryna qaramastan, sıfrlyq quraldardy engizbekshi bolǵan 20-ǵa jýyq talapker aýdıtorııadan qýyldy, - dep habarlaıdy Egemen.kz.

Alǵashqy kúni Esil, Stepnogorsk qalalaryndaǵy pýnktterde 185 oqýshy test tapsyrdy. Maýsymnyń 22-23-i kúnderi Aqkól, Atbasar, Esil, Ereımentaý, Stepnogorsk qalalarynda 383 túlek synaq tapsyrýy tıis bolatyn. Alaıda, belgisiz sebeptermen tek qana 366 talapker ǵana pýnktke kelgen, ıaǵnı 15 bala kelmegen. Árıne, bul olardyń óz quqyqtary. Osy kúnderi de uıaly telefon alyp kirmekshi bolǵan oqýshylar aýdıtorııaǵa jiberilmegen nemese synaq barysynda telefon paıdalanbaqshy bolǵandary zaldan shyǵaryldy. 

Atbasar, Ereımentaý qalalarynda ótken testileýge 240 talapker qatysý kerek bolatyn, alaıda, jeteýi kelmeı qaldy.

"Tórt kún ishinde 1114 oqýshy ulttyq biryńǵaı testileýden ótti, al, jıyrmasy aýdıtorııadan shyǵaryldy. Jalpy, oblysta  UBT talaptary men erejeleri boıynsha aqparattyq-túsindirmelik jumystar barynsha júrgizilip jatsa da, talapkerler ony elemeýde. Bıyl testileýge kelmeı qalý men aýdıtorııadan qýylý sekildi máseleler kóp oryn alyp jatyr", – deıdi oblystyq bilim basqarmasy basshysynyń orynbasary Valerıı Gamazov brıfıng barysynda.

Oblys ortalyǵynda testileý Sh.Ýálıhanov atyndaǵy Kókshetaý memlekettik ýnıversıtetiniń bazasynda 26-30  maýsym aralyǵynda ótedi. Pýnkterdegi testileý uıymdasqan túrde sanıtarlyq-epıdemıologııalyq talaptarǵa saı ótýde.

 

Aqmola oblysy

Sońǵy jańalyqtar

Uqsas jańalyqtar