Qazaqstan • 25 Maýsym, 2020

UBT: Beınetranslıasııa óship qalǵan aýdıtorııa túlekteri testti qaıta tapsyrady

1072 ret kórsetildi

 
 

UBT-nyń tórtinshi kúni 77 testileý pýnktinde 12 581 adam qatysady dep josparlandy. Onyń 96%-y test tapsyrdy. Erejeni 136 adam buzǵan, bul kórsetkish úshinshi lektiń qorytyndysymen salystyrǵanda áldeqaıda tómen. Toǵyz túlektiń qyzýy kóterildi, olar UBT-ny bólek, basqa kúni tapsyra alady. Bul týraly BǴM baspasóz qyzmeti habarlady, - dep jazady Egemen.kz

Sonymen qatar emtıhandy ótkizý prosesin baqylaýdyń nashar bolýyna baılanysty bilim salasyndaǵy sapany qamtamasyz etý boıynsha aýmaqtyq departamentter men Arnaıy baqylaý toby ókilderiniń usynysymen eki aımaqtaǵy memlekettik komıssııa quramynan 20 adam shyǵaryldy.

Memlekettik komıssııalardyń jańa músheleri bolyp qoǵam qaıratkerleri, oblystyń belsendi muǵalimderi, BAQ jáne ÚEU ókilderi bekitildi. Sondaı-aq testileý ótkizý pýnkterindegi baqylaýdy kúsheıtý maqsatynda, UBT ótkizý barysynda táýekelder oryn alýy múmkin óńirlerge Ulttyq testileý ortalyǵynyń ókilderi jiberiledi.

Túrkistan oblysynda ornalasqan eki pýnktide (Sháýildir aýyly, Jetisaı qalasy) jáne Shyǵys Qazaqstan oblysyndaǵy eki pýnktide (Aıagóz qalasy, Aqsýat aýyly) uıaly baılanys sıgnaldaryn tejeýishterdiń isten shyǵýyna jáne beıne-translıasııanyń óshýine baılanysty emtıhandar basqa kúnge aýystyryldy.

QR BǴM Ulttyq testileý ortalyǵy dırektorynyń orynbasary Naýjan Dıdarbekovanyń málimdeýinshe, bul pýnkterde talapkerler 27 maýsym (Aıagóz q., Aqsýat a., Sháýildir a.) jáne 2 shilde kúnderi (Jetisaı q.) testileýdi tapsyrý múmkindigine ıe bolady jáne bilim berý granttaryn taǵaıyndaý konkýrsyna qatysa alady.

Esterińizge salaıyq, bıyl mektep bitirýshileri memlekettik emtıhandardy tapsyrýdan bosatyldy, talapkerlerge kalkýlıator paıdalanýǵa ruqsat berildi, sondaı-aq testileý ýaqyty uzartyldy.

Sońǵy jańalyqtar

Tutynýshylyq nesıe naryǵy toqtap qaldy

Ekonomıka • Búgin, 13:30

Abaıdy tanytqan abyz tulǵa

Qazaqstan • Búgin, 12:47

El júregi – elorda

Aımaqtar • Búgin, 11:53

Almaty mańynda jer silkindi

Aımaqtar • Keshe

Uqsas jańalyqtar