Prezıdent • 25 Maýsym, 2020

Prezıdent el azamattaryn karantın rejımin qatań saqtaýǵa shaqyrdy

229 ret kórsetildi

Memleket basshysy Qasym-Jomart Toqaev "Ana tili" basylymyna bergen suqbatynda el azamattaryn karantın rejımin qatań saqtap, tazalyqqa muqııat bolýǵa shaqyrdy, - dep habarlaıdy Egemen.kz.

"Bul indet bizdiń ǵana emes, jalpy álemdegi adamzattyń bet-beınesin, turmys-tirshiligin ózgertti. Aýyr derttiń aldynda damyǵan memleketterdiń ózderi dármensiz bolyp otyr. Oǵan bárimiz kýámiz. Ozyq dep júrgen Eýropa elderi, azýyn aıǵa bilegen AQSh, Azııa alyptary – Qytaı, Japonııa, Ońtústik Koreıa, taǵy basqa da elder tyǵyryqqa tirelgendeı. Al qazir, "biz osy indetpen kúreste jeńilip jatyrmyz nemese Úkimet ahýaldy baqylaýdan shyǵaryp aldy" deýge bolmaıdy", - dedi Prezıdent "Ana tili" gazetine bergen suqbatynda.

Budan soń, ol Nur-Sultan, Almaty jáne Shymkent qalalarynda juqpaly aýrýlarǵa arnalǵan úsh aýrýhana jedel salynǵanyn aıtyp ótken.

"Basqa óńirlerdegi aýrýhanalar kerek-jaraqpen jabdyqtaldy. Naýqastardy emdeýge dárigerlerimizdiń biliktiligi jetedi. Qazir, aq halatty abzal jandar kúndiz-túni osy indetpen kúrestiń aldyńǵy shebinde júr. Memleket tarapynan qajetti qarajat bólindi. Bir nárseni aıta keteıin, bıliktegiler de – ózderińiz sekildi et pen súıekten jaralǵan adamdar. Laýazymdy qyzmetkerler jumys babyna baılanysty birqatar azamattarmen kezdesýi kerek, sondyqtan el ishindegi issaparlarǵa shyǵady. Sondaı jaǵdaıda keseldi juqtyryp alýy múmkin. Iá, olar da aýyrady, naýqasynan emdeledi", - delingen suqbatta.

Onyń aıtýynsha, bılikte júrgenderdiń arasynan 15 shaqty adam osy dertke shaldyqqan.

"Qazirgi statıstıka boıynsha, vırýs juqtyrǵandar sany 20 myńǵa jýyqtady. Iаǵnı olardyń kópshiligi – qarapaıym halyq. Bul jerdegi másele kimniń qalaı juqtyryp alǵanynda emes. Sol azamattarymyzdyń aýrýyn asqyndyryp almaı, tezirek jazylyp shyǵýyna jaǵdaı jasaý qajet. Aýrýǵa shaldyqqandardy sheneýnik nemese qarapaıym jurt dep bólip qaraýǵa bolmaıdy. Qazaq "Kemedeginiń jany bir" deıdi. Biz bir elde turyp, bir aýany jutyp, bir qoǵamda ómir súrip jatqannan keıin eshkim de bul aýrýdan ózin tolyqtaı qorǵaı almaıdy. Bir planetany meken etken soń ózge eldegi dert bizge kelmeıdi dep beıqam otyra almaımyz. Pandemııa shekaraǵa qaramaıdy", deı kele Memleket basshysy el azamattaryn karantın rejımin qatań saqtaýǵa shaqyrdy.

"Saqtansaq qana ózimizdi, jaqyndarymyzdy aýrýdan aýlaqtata alamyz. Sondyqtan el azamattaryn karantın rejımin qatań saqtap, tazalyqqa muqııat bolýǵa shaqyramyn. Bul – ótpeli qıyndyq, ýaqytsha synaq. Biz osy indetten jáne ekonomıkalyq daǵdarystan keıin qalaı damımyz, ne isteýimiz kerek degen máselege basa mán bergenimiz jón", - delingen suqbatta.

Sońǵy jańalyqtar

Dáriger keńesin onlaın túrde alýǵa bolady

Koronavırýs • Búgin, 22:00

Pnevmonııaǵa basqa ataý berilýi múmkin

Koronavırýs • Búgin, 21:40

Qazir tek ómir men ólim bar - Bas sanıtar

Koronavırýs • Búgin, 19:10

Koronavırýs indeti 3 kezeńnen turady

Koronavırýs • Búgin, 17:35

О́z tanysyn tonap ketken ury ustaldy

Aımaqtar • Búgin, 14:30

Ustazdardan zańsyz aqsha jınalmaý kerek

Aımaqtar • Búgin, 12:32

Muhtar Shahanov aýyryp jatyr

Qazaqstan • Búgin, 11:56

Gongkongta mektepter qaıta jabylady

Álem • Búgin, 11:10

Uqsas jańalyqtar