Aımaqtar • 25 Maýsym, 2020

Elordada KVI juqtyrǵan jáne pnevmonııasy asqynǵan naýqastar 3 ese ósti

25 ret kórsetildi

Juqpaly jáne provızorlyq aýrýhanalarda adamdar sany búginde 2,5 myńǵa deıin ósip otyr. Onyń 91%-y ortasha aýyrlyq dárejesinde. 9%-y aýyr jáne óte aýyr. Olar jedel reanımasııa bólimine birden túsedi. Negizi sońǵy aptamen salystyrǵanda naýqastar sany 3 ese ósti. Bul týraly Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qısyqova aıtty, - dep habarlaıdy Egemen.kz

"KVI juqtyrǵandar jáne pnevmonııasy asqynǵan naýqastardyń kóbeıýine baılanysty qalada qosymsha ınfeksııalyq tósek-oryndary daıyndaldy. Buryn 80 jaǵdaı bolatyn. Al qazir aptasyna 8,5 esege deıin joǵarylaýy baıqalyp otyr", dedi S. Qısyqova.

Onyń aıtýynsha, 12 maýsymnan bastap Nur-Sultan qalasyndaǵy medısınalyq uıymdardyń tósek orny qoryn qaıta qurýǵa baılanysty juqpaly jáne provızorlyq aýrýhanalardaǵy tósek orny sany 1351 orynǵa kóbeıtildi.

"Tek sońǵy 3 kúnde qosymsha 830 tósek daıyndaldy. Onyń ishinde búgin Ulttyq ǵylymı medısınalyq ortalyqtyń bazasynda taǵy 200 ınfeksııalyq tósek daıyndalady. Sonymen búginde koronavırýs ınfeksııasymen kúresýge 3 135 tósek oryndyq 12 densaýlyq saqtaý uıymy jumyldyryldy", dedi basqarma basshysy.

 

Sońǵy jańalyqtar

Atyraýda bir kúnde 2 adam sýǵa batty

Aımaqtar • Búgin, 19:10

Atyraýda óńirlik jedel shtab quryldy

Aımaqtar • Búgin, 16:20

Dorbalasa dári tapshylyǵy joıylmaıdy

Aımaqtar • Búgin, 16:07

COVID-19: Hattamaǵa ózgeris qajet pe?

Qazaqstan • Búgin, 09:25

Uqsas jańalyqtar