Úkimet • 25 Maýsym, 2020

Elimiz nemis kompanııalarymen aýyl sharýashylyǵynda yntymaqtastyq ornatady

11 ret kórsetildi

Premer-Mınıstrdiń orynbasary Roman Sklıar Berlın Eýrazııalyq klýbynyń 29-shy otyrysynda nemis bıznesi ókilderimen aýyl sharýashylyǵyndaǵy ekijaqty yntymaqtastyqty damytý jáne Qazaqstannyń AО́K salasyna german ınvestısııalaryn tartý máselelerin talqylady. Beınekonferensııa baılanysyna eki eldiń úkimet jáne isker toptarynyń 70-ten astam ókili qatysty. Bul týraly Premer-Mınıstrdiń baspasóz qyzmeti habarlady.

Kezdesýge German ekonomıkasy Shyǵys komıteti prezıdıýmynyń tóraǵasy Olıver Germes, German ekonomıkasy Shyǵys komıtetiniń bas basqarýshy dırektory Mıhael Harms, Germanııa azyq-túlik jáne aýyl sharýashylyǵy federaldyq mınıstrliginiń Parlamenttik stats-hatshysy Ýve Faıler jáne eki taraptyń salalyq mınıstrlikteriniń basshylyǵy qatysty.

Roman Sklıar strategııalyq ınvestorlarmen kúsheıtilgen jumys – bul Prezıdent Qasym-Jomart Toqaev belgilegen basymdyq ekenin atap ótti. Bul rette Úkimet Germanııa bıznesine elimizde birlesken jobalardy tabysty iske asyrý úshin qoldaý kórsetetinin atap ótti. Sonymen qatar azyq-túlik qaýipsizdigin qamtamasyz etý ózekti másele bola otyryp, aýyl sharýashylyǵynyń damýymen tikeleı baılanysty.

Agro salasyndaǵy jobalardy júzege asyrý úshin Qazaqstan nemis ınvestorlaryna jeke qoldaý sharalaryn usynýǵa daıyn. Osy maqsatta úkimettik jumys toby áreket etýde. Ol birlesken ınvestısııalyq jobalardy júzege asyrý úshin óz quzyreti sheginde jedel jumys isteýde.

Syrtqy ister mınıstriniń orynbasary Almas Aıdarovtyń aıtýynsha, AО́K ınvestısııa úshin tartymdy sektor. Bul saladaǵy áleýetti seriktesterge memlleket tarapynan sýbsıdııalar, jeńildetilgen nesıeler, arnaıy salyqtyq rejımder usynylady.

О́z kezeginde Olıver Germes Germanııa elimizben ózara is-qımyldy syrtqy ekonomıkalyq qyzmettegi basym baǵyttardyń biri retinde qarastyratynyn jáne bul rette nemis bıznesi yntymaqtastyqqa daıyn ekenin atap ótti. О́z kezeginde Ýve Faıler agroónerkásip kesheniniń damýy men qazaqstandyq aýyl sharýashylyǵy ónimderiniń sapasyna oń baǵa berdi. Onyń aıtýynsha, bul eki eldiń strategııalyq ózara is-qımylyn qoldaý úshin ınvestısııalyq tartymdylyqty qalyptastyrady.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar