Qoǵam • 25 Maýsym, 2020

SQO polıseıleri jyl basynan 29 ınternet-alaıaqtyqty ashty

11 ret kórsetildi

Soltústik Qazaqstan oblysy PD krımınaldyq polısııa qyzmetkerleri bank kartalarynyń derekterin paıdalanýmen jasalǵan birneshe alaıaqtyqty ashý boıynsha jumys istep jatyr, - dep habarlady IIM baspasóz qyzmeti.

23 maýsymda keshkisin belgisiz qylmysker 42 jastaǵy Petropavl qalasynyń turǵynyna habarlasqan. Ol ózin banktiń qaýipsizdik qyzmetiniń qyzmetkerimin dep tanystyryp, qalalyqtyń shotynan bireýdiń qarajat almaqshy bolǵany tirkeldi dep habarlaǵan. Bul áreketti boldyrmaý úshin kartochkanyń syrtqy jaǵyndaǵy nomer men CVV-kod jazylǵan onyń derekterin aıtý qajet dep aıtqan. Ábirge túsken áıel qaskóıge barlyq aqparatty jaıyp salǵan. Budan keıin shynymen de onyń shotyndaǵy qarajat joq bolǵan. Keltirilgen shyǵyn 140 myń teńgeden astam. Qala turǵyny polısııaǵa habarlasqan. Qazirgi ýaqytta kúdiktini anyqtaýǵa baǵyttalǵan jedel is-sharalar júrgizilip jatyr. 

"Búgingi tańda mundaı alaıaqtyq shemasy eń keń taralyp otyr", – deıdi Soltústik Qazaqstan oblysynyń Polısııa departamenti bastyǵynyń orynbasary Rýslan Nazarov. Qaskóıler jábirlenýshini maqsatty túrde tańdaıtyn jaǵdaılar da kezdesedi, biraq kóptegen adamdar telefon nómirlerin kezdeısoq teredi jáne olar ózderi áreket etken etip turǵan bankti atamaıdy. Kem degende adamda bir karta bolsa, sol arqyly esepteý júrgiziledi. Aıta ketý kerek, barlyq adamdar alaıaqtardyń aıla-amaldaryna túse bermeıdi: Krımınaldyq polısııa basqarmasy qyzmetkerleriniń aqparattyq jumystary óz nátıjesin berýde. Banktiń qaýipsizdik qyzmeti eshqashan derbes jáne qarjylyq derekterdi usynýdy talap etpeıdi. Kartochka nómiri men CVV-kody shottarǵa qol jetkizýge jol ashady, olardy eshkimge jáne qandaı jaǵdaıda bolmasyn senip berýge bolmaıdy. 

Tártip saqshylary kúdikti habarlamalar túsken kezde call-ortalyqtar men bankterdiń “qaýyrt jelisine” habarlasýdy usynady. Sondaı-aq “102” arnasyna habarlasýǵa bolady. 

Jalpy jyl basynan beri Soltústik Qazaqstan oblysynyń polıseıleri 29 ınternet-alaıaqtyqty óndirispen aıaqtady, birqatar fakti tergelip jatyr.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar