25 Maýsym, 2020

Jambylda jyl saıyn Jaqsylyq Úshkempirov atyndaǵy týrnır ótedi

58 ret kórsetildi

M.H.Dýlatı atyndaǵy Taraz Memlekettik ýnıversıtetinde Áýlıeata óńirinen shyqqan tanymal sportshylarmen kezdesý ótti. Jıynda Jambyl oblysynyń ákimi Berdibek Saparbaev ataqty sport sańlaqtaryna elimizdiń mártebesin asqaqtatyp júrgen eńbekteri úshin alǵysyn bildirdi. Sonymen qatar ol jambyldyq sportshylardyń birneshe ret Olımpıada chempıony bolǵanyn atap ótti, - dep habarlady Egemen.kz.

Jalpy, Jambyl óńirinde sport salasyn qoldaý joǵary deńgeıde. Máselen, oblys ortalyǵyndaǵy "Taraz-Arena" sport saraıynyń janynan muz aıdyny, jeńil atletıka maneji, tennıs korty ashylyp, aǵymdaǵy jyly oblys boıynsha 13 sport nysany men 92 alańsha salynady. Sonymen qatar qazirgi tańda óńirdegi barlyq mektepterdiń sport zaldary retke keltirilip, oqýshylarǵa sportpen shuǵyldanýǵa barynsha jaǵdaı jasalǵan. Bolashaqta barlyq aýlalar sport alańshalarymen, barlyq aýdan ortalyqtary sport keshenderimen qamtylady. Jıyn barysynda Berdibek Saparbaev jastardy sportqa baýlý maqsatynda aýqymdy týrnırler ótkizý kerektigin aıtty. Bul rette áıgili sportshy, Qazaqstannyń Eńbek Eri Jaqsylyq Úshkempirov atyndaǵy halyqaralyq kúres týrnırin uıymdastyrý kerektigi aıtyldy. Kezdesýde Berdibek Saparbaev Jaqsylyq Úshkempirovtiń osydan 40 jyl buryn Olımpıada oıyndarynda jeńiske jetken alǵashqy qazaq ekenin, dástúrli túrde ótetin týrnır osy aıtýly dataǵa arnalýy kerek ekenin atap ótti. Ataqty sportshy qurmeti úshin oblys ákimine alǵys aıtty.

Sonymen qatar jıynǵa qatysqan ózge de sportshylar memlekettiń qoldaýynyń joǵary deńgeıde ekenin áńgimeledi. Paralımpıada chempıony Zúlfııa Gabıdýllına sporttyq-saýyqtyrý keshenin salý kerektigin jetkizdi. Al, Berdibek Saparbaev sportshynyń usynysyn qoldaıtynyn aıtyp, bul máseleni mindetti túrde qarastyrýǵa ýáde berdi. Kezdesý barysynda "Qazaqstan Barysy" týrnıriniń úsh dúrkin jeńimpazy Beıbit Ystybaev sporttyq mektep-ınternattyń kóbeıýi aýyl balalarynyń sportpen aınalysýyna úlken múmkindikter beretinin atap ótti. Sondaı-aq, kezdesýde Bolat Jumadilov, Baqtııar Artaev, Aqjúrek Tańatarov, Eldos Smetov, Gýzalııa Gafýrova, Ábilhan Amanqul, Rýslan Japarov sııaqty jambyldyq tanymal sportshylar da boldy. Al, jıyn sońynda M.H.Dýlatı atyndaǵy Taraz Memlekettik ýnıversıtetiniń rektory Mahmetǵalı Sarybekov búginde umytylyp bara jatqan ulttyq sport túrlerine tıisti kóńil bólinbeı otyrǵanyn jetkizdi. Bul rette Berdibek Saparbaev bul usynysty qoldaıtynyn aıtty.

 

Jambyl oblysy

Sońǵy jańalyqtar

Araq aýrýdan aıyqtyrmaıdy

Koronavırýs • Búgin, 22:20

Dáriger keńesin onlaın túrde alýǵa bolady

Koronavırýs • Búgin, 22:00

Pnevmonııaǵa basqa ataý berilýi múmkin

Koronavırýs • Búgin, 21:40

Qazir tek ómir men ólim bar - Bas sanıtar

Koronavırýs • Búgin, 19:10

Koronavırýs indeti 3 kezeńnen turady

Koronavırýs • Búgin, 17:35

О́z tanysyn tonap ketken ury ustaldy

Aımaqtar • Búgin, 14:30

Ustazdardan zańsyz aqsha jınalmaý kerek

Aımaqtar • Búgin, 12:32

Muhtar Shahanov aýyryp jatyr

Qazaqstan • Búgin, 11:56

Gongkongta mektepter qaıta jabylady

Álem • Búgin, 11:10

Uqsas jańalyqtar