Qoǵam • 25 Maýsym, 2020

2020 jyly 6 myńnan astam adam qandas mártebesin aldy

30 ret kórsetildi

Osy jyldyń 5 aıynda 6,3 myń etnıkalyq qazaq qandas mártebesin aldy. Bul týraly Eńbek jáne halyqty áleýmettik qorǵaý mınıstri Birjan Nurymbetov halyqqa esep berý kezdesýi kezinde aıtty, - dep habarlaıdy Egemen.kz.

Eńbekmıniniń basshysy 1991 jyldan beri 1 mıllıonnan astam etnıkalyq qazaq tarıhı Otanyna qaıta oralyp, olardyń bári qandas mártebesin alǵanyn, bul elimizdegi halyqtyń 6%-yn quraıtynyn atap ótti.

"Bıyl 1 maýsymdaǵy jaǵdaı boıynsha Respýblıkamyzǵa 3245 otbasy (6 361 etnıkalyq qazaq) kóship  keldi, qandastar men qonys aýdarýshylardan turatyn 631 otbasy (2 224 adam) qabyldaý óńirlerinde (Shyǵys Qazaqstan oblysy, Soltústik Qazaqstan oblysy, Aqmola, Pavlodar, Qostanaı oblystary) ornalasty", – dedi Birjan Nurymbetov.

Sonymen qatar ol aǵymdaǵy jyldyń 13 mamyrynda Memleket basshysy kóshi-qon prosesterin jetildirý týraly zańǵa qol qoıǵanyn mysalǵa keltirdi. Onda kelesi jańa erejeler kózdelgen:           

- "qandas" túsiniginiń  jańa nusqasy. Oǵan sáıkes etnıkalyq qazaqtyń buryn Qazaqstan Respýblıkasynyń azamattyǵynda bolmaǵandyǵy basty ólshem bolyp tabylady;           

- jergilikti atqarýshy organnyń qandas mártebesin alty aıdan aspaıtyn merzimge, bir ret jeńildetilgen tártippen Qazaqstan Respýblıkasynyń azamattyǵyn alý múmkindigin keńeıtý maqsatynda uzartýy;           

- atajurtyna oralǵan qandastarymyzdyń turaqty turýǵa ruqsat alý úshin de, Qazaqstan azamattyǵyn alý úshin de qujattardy bir ýaqytta usyný quqyǵy bolýy.           

Syrtqy eńbek kóshi-qony týraly aıta kelip, mınıstr sheteldik jumys kúshin (budan ári - ShJK) tartý kvotasy, 2019 jylmen salystyrǵanda 40%-ǵa azaıǵanyna basty nazar aýdardy.           

"Jyl basynan beri 7,7 myńnan astam ShJK tartýǵa ruqsat berildi. Jumys berýshiler 2,8 mıllıard teńge kóleminde salyq tóledi. Bul rette  kadrlardaǵy qazaqstandyq qamtýdy qamtamasyz etý talabyn oryndaıtyn  kompanııalardyń úlesi qazir 96%-dy qurap otyrǵanyn", - atap kórsetti Birjan Nurymbetov.

Sońǵy jańalyqtar

Araq aýrýdan aıyqtyrmaıdy

Koronavırýs • 10 Shilde, 2020

Dáriger keńesin onlaın túrde alýǵa bolady

Koronavırýs • 10 Shilde, 2020

Pnevmonııaǵa basqa ataý berilýi múmkin

Koronavırýs • 10 Shilde, 2020

Qazir tek ómir men ólim bar - Bas sanıtar

Koronavırýs • 10 Shilde, 2020

Batysta "jasyryn esirtki zerthanasy" tabyldy

Aımaqtar • 10 Shilde, 2020

Koronavırýs indeti 3 kezeńnen turady

Koronavırýs • 10 Shilde, 2020

Uqsas jańalyqtar