Koronavırýs • 25 Maýsym, 2020

Almatyda epıdemıologııalyq jaǵdaı kúrdeli, biraq basqarýǵa bolady – K. Nadyrov

85 ret kórsetildi

Búgin Almaty qalasy óńirlik kommýnıkasııalar qyzmetiniń alańynda qalalyq Qoǵamdyq densaýlyq basqarmasynyń basshysy Kamaljan Nadyrov megapolıstegi epıdemıologııalyq jaǵdaıǵa qatysty jan-jaqty baıandady, - dep habarlady Egemen.kz.

Epıdemııa bastalǵannan beri qalada jalpy 3 530 jaǵdaı tirkelse, 2 178 adam saýyǵyp, emdelip shyqty. Qaıtys bolǵandar sany – ­­ 23.

Aldymen Almatynyń Bas dárigeri búginde qala stasıonarlarynda 1 398 naýqas emdelip jatqandyǵyn atady.

Kamaljan Nadyrovtyń aıtýynsha, 19 adamnyń hali óte nashar jáne 173 naýqastyń jaǵdaıy aýyr. Sol sııaqty jaǵdaıy ortasha  –1044 jáne qanaǵattanarlyq jaǵdaıda 162 adam tirkelip otyr.

Qazirgi ýaqytta qala boıynsha stasıonarlar men alǵashqy sanıtarly-medısınalyq kómek kórsetý uıymdarynda medısınalyq kómekti uıymdastyrý jumystary tolyqqandy júrgizilip jatyr.

Tek ótken aptada aýrýhanalarǵa jatqyzý men jedel-járdem qyzmetine qońyraý shalý sany eki ese artqan bolatyn.

Naýqastar sanynyń ósýi – qant dıabeti, júrek aýrýlary, arterıaldy gıpertenzııa sııaqty aýrýlary bar pasıentterdiń kóbeıýimen baılanysty degen qorytyndyǵa kelip otyrmyz. Sondaı-aq, aýrýdyń aýyrlyǵy men pasıentterdiń jas arasyndaǵy baılanys anyq baıqalady, ıaǵnı jaǵdaıy aýyr jáne óte aýyr pasıentterdiń 80%-dan astamyn 60-tan asqandar quraıdy.

Taldaý 20-29 jas aralyǵyndaǵy adamdardyń eń jıi juqtyratynyn kórsetedi – 35% juqtyrǵandar, 60 jastan asqan adamdar – 9%.

Sondaı-aq, jalpy dınamıkada derti aýyr jáne óte aýyr ótip jatqan pasıentterdiń kóbeıgeni baıqalady.

"Almatyda epıdemıologııalyq jaǵdaı kúrdeli, biraq basqarýǵa bolady. Qazirgi ýaqytta qala boıynsha stasıonarlar men alǵashqy sanıtarly-medısınalyq kómek kórsetý uıymdarynda medısınalyq kómekti uıymdastyrý jumystary tolyqqandy júrgizilip jatyr.

Tek ótken aptada aýrýhanalarǵa jatqyzý men jedel-járdem qyzmetine qońyraý shalý sany eki ese artqan bolatyn.

Búgingi kúni ókpeni jasandy jeldetý apparattaryna 11 naýqas, ókpeniń ınvazıvti emes jasandy jeldetýge – 15 adam qosyldy", – dedi Almatynyń Bas dárigeri.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar