Qoǵam • 25 Maýsym, 2020

"Taldyqorǵan-Úsharal-Alakól" jolynda qozǵalys bıyl ashylady

42 ret kórsetildi

Almaty oblysynda Alakól demalys ornyna aparatyn 342 shaqyrymdyq "Taldyqorǵan – Úsharal – Alakól" tasjolyn qaıta jańartý jumystary jalǵasýda, - dep habarlady IIDM baspasóz qyzmeti.

О́ńirdiń týrıstik áleýetin damytýda atalǵan jobanyń mańyzy zor. 

Jol ótken ǵasyrdyń 70-shi jyldarynda salynǵan bolatyn. Ony qaıta jańartý jumystary 2018 jylǵa deıin múlde júrgizilmegen. Jumystardy "CITIC Construction Co." kompanııasy, "ABK Avtodor NS" jáne "Qyran" JShS júzege asyrýda. Joba aıasyndaǵy jumystarǵa 2 myń adam men tehnıkanyń 800 birligi jumyldyrylǵan.

Qazirgi kezde qurylys-montajdaý jumystary joǵary qarqynmen júrgizilip jatyr. Merdiger kompanııalar asfalt-beton jabyndysyn tóseýde. Avtomobıl jolynyń tolyq boıynda qozǵalys bıyldyń ózinde ashylady dep josparlanǵan.  

Avtomobıl joly 2021 jyly qaıta jańartý jumystarynan ótken soń, II tehnıkalyq sanattaǵy jolǵa sáıkestendirilmek. Osylaısha, qazaqstandyqtar Taldyqorǵannan Alakólge úsh saǵatta jete alatyn bolady. Avtomobıl joldary salasyndaǵy "Taldyqorǵan – Úsharal – Alakól" jobasy Almaty oblysynyń ǵana emes, jalpy Qazaqstannyń ekonomıkalyq jáne týrıstik áleýetin damytýǵa qaraı jasalatyn jańa qadam bolmaq.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar