Qoǵam • 25 Maýsym, 2020

42 500 teńge taǵy berile me?

797 ret kórsetildi

Tótenshe jaǵdaı rejımi kezinde jumyssyz qalǵan azamattarǵa áleýmettik kómek retinde berilgen 42 500 teńge  endi berilmeıdi. Bul týraly Eńbek jáne halyqty áleýmettik qorǵaý mınıstri Birjan Nurymbetov Ortalyq kommýnıkasııalar qyzmetinde ótken onlaın brıfıngte aıtty, - dep habarlaıdy Egemen.kz.

«42 500 teńge endi tólenbeıdi. Ony josparlap ta otyrǵan joqpyz. 42 500 áleýmettik tólemine bıýdjetten qarjy qarastyrylmaǵan. Memlekettik áleýmettik saqtandyrý qorynyń aktıvterin satý esebinen túsken qarajat paıdalanylǵan bolatyn. Bul turǵyda bizge Ulttyq bank kóp kómegin kórsetti. Ol qor aktıvterin satý, qarjy quraldaryn jabý arqyly qajetti aqsha qarajatyn bosatyp berdi. Sonyń arqasynda Memlekettik áleýmettik saqtandyrý qory 322 mlrd teńge aktıvin jumsap, 4 mln 607 myń adam 42 500 teńgeden aldy», - deı kele mınıstr búgingi kúni Memlekettik áleýmettik saqtandyrý qorynyń qarjylyq múmkindigi shektelip otyrǵanyn aıtty.

 



Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar